Te fundit
Qytetarët i duan larg protestës, Flutura Açka publikon foton ku Gaz Bardhi dhe deputetët e PD-së festojnë: A keni moral ta quani veten “opozitë”?
9 Qershor 2026, 16:25Politika
TEMA
Ish-deputetja e PD-së Flutura Açka, në një postim në Facebook, ka komentuar protestën kombëtare që po mbahet kundër projektit të Zvërnecit, ku qytetarët i kanë bërë thirrje politikës që të rrijë larg tubimeve, teksa e quan si kundërpërgjigje ndaj mungesës së një opozite të mirëfilltë.
Teksa ka postuar një foto, ku shfaqen nënkryetarët e PD-së, Gazment Bardhi dhe Agron Gjekmarkaj dhe deputetë të tjerë të PD-së, duke kërcyer një këngë kushtuar kryedemokratit Sali Berisha, Açka shkruan se të gjithë luftuan për të qenë zëvendëskryetarë në parti, saqë Berisha bëri 6 të tillë.
Po ashtu ish-deputetja nuk ka nguruar që të hedhë akuza ndaj demokratëve se kanë bashkëpunuar me qeverinë, teksa i përmend një numër të madh ligjesh që kanë kaluar në Kuvend, përfshirë edhe atë të “Zonave të Mbrojtura”.
Ndërsa në fund ish-ligjvënësja demokrate shkruan se në PD nuk kanë më moral për t’i thënë vetes opozitë dhe opozitarë.
Postimi i plotë i Açkës:
Nēnkryetar i PD-së? Jo, faleminderit!
Aq shumë e kanë përmbysur primatin é Opozitës, dhe vetë konceptin Opozitë, këto protesta, saqë, po ata që nuk lanë ekran e faqe pa rënë në sy se é meritonin të ishin nënkryetarë të PD-së - madje u vendos për 6 copë, që të kishte vend edhe për qaramanët - nuk kanë më ambicje.
Nuk iu duhet! Sa më neutralë! Kohë të mjegullta, vërtet për çakej e dhelpra.
Por kohë historike, ama, për politikanë me integritet!
Ata që bënë sikur folën:
- Ligji i Zonave të Mbrojtura,
- Ligji i Trashëgimisë Kulturore,
- Ligji i Akademisë së Shkencave;
Ata që bënë sikur iu dhimbshme Atdheu:
- Paketa é Maleve (ditën é fundit të afatit);
- Votën me postë të Diasporës (që t’i vidhte Rama lehtë e t’i ndanin të dy palët);
- Numërimin elektronik nē Tiranë në Zgjedhjet e 11 majit 2025 (që t’ju vidheshin votat partive të reja dhe brenda partive t’iu jepeshin të preferuarve);
-Amnistinë Penale (AntiSpAK)
-Reformen Territoriale (AllaRamë)
-Ndryshimin e Rregullores së Parlamentit për t’ua prerë audiencë publike SPAK-ut e për t’ia nënshtruar komisionit AllaXhafaj;
Ata që fyen, kërcënuan, shantazhuan, ndëshkuan, përndoqën më të gjitha format, hapur é fshehur, me ndihmën bujare të liderëve PS-istë në Parlament, të kolegëve reformatorë që kërkuan vetëm një PD europiane:
A kanë më moral për t’i thënë vetes Opozitë dhe opozitarë?
Të tillët, po, jo vetëm ia ulën besueshmërinë Opozitës, por ua vështirosën edhe figurën e politikanit shqiptarëve. Protesta kombëtare është testi i këtij dëmi.
Foto: Grupi “Gazi-dhe-shokët-e-tij” duke performuar nën ritmet e këngës “Ta sollëm vulën Sali Berisha”
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Sa te mbarojne petullat ne shperdajen koqe koqe .pun dotesh.shshi aty esht .jua ka len ne dispozicion edi.rujuni nga vapa.kowevaret le te bejn plazh pa pare