Te fundit
Rama nga Berlini: Turqinë e kemi aleat strategjik, ndërsa me Rusinë e Kinën s’kemi marrëdhënie
11 Prill 2022, 19:28Politika
TEMA
Kryeministri Edi Rama komentoi gjatë konferencës së përbashkët për shtyp me kancelarin gjerman Olaf Scholz, ndikimet e vendeve të treta si Rusia, Kina dhe Turqia në rajonin e Ballkanit dhe veçanërisht në Shqipëri.
Shefi i qeverisë u shpreh se Shqipëria nuk ka ndonjë marrëdhënie të posaçme me Kinën apo me Rusinë, ku theksoi se investimet e këtyre vendeve në Shqipëri janë pothuajse inekzistente.
Rama nga ana tjetër e diferencoi Turqinë duke e quajtur aleat strategjik të Shqipërisë dhe jo influncë të një vendi të tretë në Ballkan.
“Për sa i përket aktorëve apo palëve të treta me ndikim në Ballkanin Perëndimor do të thosha se nuk janë njësoj dhe nuk duhet të kemi shqetësime nga ndikimi i vendeve të treta në të njëjtën mënyrë.
Natyrisht ndikimi i Rusisë në rajonin tonë përbën një problem, sidomos në ditët e sotme, ç’ka e bën më të nevojshëm aktivizimin më intensiv të Bashkimit Evropian për t’i afruar shumë më pranë të gjitha vendet.
Ndërkohë që Kina është një vend i cili ka synimin e vet të deklaruar në të gjithë Evropën Lindore, ka dhe një format të quajtura formati 17 plus 1 që është një projekt investimesh.
Shqipëria nuk ka asnjë marrëdhënie të posaçme as me njërën, as me tjetrën. Niveli i investimeve të Rusisë në Shqipëri është zero, ai i Kinës është minimal në raport me vendet e tjera.
Ndërsa për sa i përket Turqisë. Turqia nuk është një aktor i tretë, por është një partner strategjik. Në kënvështrimin tim Turqia është një valvul sigurie për të gjithë Evropën”, tha Rama.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ca thu mer palle,si nuk i ke gjo kinen e rusine!? Kur 90% e gyzeleve m'Albanistan ngjajne si kinez veni e flasin rusisht!!!!
nje aleat strategjik dhe nje mik i mir ,kjo eshte Turqia per Shqiperin
Eshtë diletantizëm diplomatik të mburresh se nuk ke mardhënie me Rusinë dhe sidomos me Kinën. Rusia pavarsisht se ç'po ndodh tani me Ukrainën nesër do rikthehet me gjithë fuqinë e saj në arenën ndërkombëtare dhe Shqipëria do pësojë shumë më tepër se "armiqtë" e tjerë që kanë më interes për të. Ndërsa me Kinën niveli i ulët i mardhënieve është tregues i dritshkurtësisë së diplomacisë sonë përballë një vendi dhe një populli mik me ne e që do të na ndihmonte shumë në rrugën e zhvillimit tonë ekonomik. Kina është parter shumë i rëndësishëm për BE-në dhe vendet e evropës ashtu siç duhet të jetë edhe për ne.