Tabaku dhe Bylykbashi takojnë gazetarë europianë: Integrimi kërkon reforma reale dhe sundim të ligjit

Deputetja e PD dhe kryetarja e Komisionit për Mediat dhe të Drejtat e Njeriut, Jorida Tabaku, dhe nënkryetari i PD-së Oerd Bylykbashi zhvilluan një takim me gazetarë nga vende të Bashkimit Europian, ku u diskutua procesi i integrimit të Shqipërisë dhe situata politike në vend, përfshirë protestat e fundit qytetare.

Tabaku u shpreh se Shqipëria mbetet e angazhuar në procesin e integrimit europian, por theksoi se sfida kryesore është transformimi real institucional dhe jo vetëm afatet politike.

Sipas saj, debati mbi integrimin nuk duhet të kufizohet tek “data e anëtarësimit”, por tek përmbushja e standardeve dhe vullneti politik për reforma të thella. Ajo shtoi se opozita mbështet çdo nismë ligjore që i shërben procesit të integrimit.

Duke folur për sistemin politik dhe ekonomik në vend, Tabaku deklaroi se Shqipëria nuk funksionon plotësisht mbi parimin e sundimit të ligjit, por përballet me një model ku institucionet ndikohen nga interesa të ngushta, duke prodhuar pabarazi dhe mungesë besimi publik.

Në këtë kontekst, ajo e lidhi pakënaqësinë qytetare dhe protestat me, siç u shpreh, “efektet e një sistemi të kapur”, që ka ndikuar në rritjen e pabarazive ekonomike dhe sociale.

E pyetur nga gazetarët italianë mbi protestat dhe diversitetin e grupeve pjesëmarrëse, Tabaku tha se jo të gjithë protestuesit ndajnë të njëjtat qëndrime politike, por i bashkon kundërshtimi ndaj qeverisë dhe kryeministrit.

Sipas saj, protestat përbëjnë një zhvillim normal demokratik dhe nuk janë të drejtuara politikisht ndaj opozitës, por ndaj problematikave qeverisëse.

Tabaku përmendi gjithashtu çështje të debatit mbi investimet strategjike dhe zonat e mbrojtura, duke kujtuar qëndrimet dhe nismat e opozitës në Parlament dhe bashkëpunimin me shoqërinë civile.

Në aspektin ekonomik, ajo deklaroi se një pjesë e konsiderueshme e prokurimeve publike përqendrohet në një numër të kufizuar kompanish, ndërsa të ardhurat dhe pensionet në Shqipëri mbeten ndjeshëm nën mesataren e Bashkimit Europian.

Në përfundim, Tabaku tha se protestat reflektojnë një sinjal të rëndësishëm shoqëror dhe tregojnë nevojën për më shumë transparencë, llogaridhënie dhe funksionim të plotë të shtetit të së drejtës.

PD dhe Arlind Qori në garë kush kap kauzat e protestës, i propozojnë Kuvendit të njëjtat ndryshime ligjore që kërkojnë qytetarët

17:25 Politika 7 komente

“Për lulen time irlandeze, nga një ‘vrasës’ flamingosh’, shënimi i Ramës në libër për gazetaren nga Irlanda

16:55 Politika 10 komente

Enkel Demi mesazh protestuesve: Kur të pranoni mendimin ndryshe, do të shtohen edhe më shumë

16:45 Politika 18 komente

Qytetarët i duan larg protestës, Flutura Açka publikon foton ku Gaz Bardhi dhe deputetët e PD-së festojnë: A keni moral ta quani veten “opozitë”?

16:25 Politika 7 komente

“Nuk përmenda anulimin e projektit”, Rama kapet me gazetaren: Vini këtu me gënjeshtra që ju kanë bllokuar trurin

16:05 Politika 10 komente

Në mediat meksikane shpërndahen protesta "fake" nën moton “Flamingo Revolution in Albania"

15:55 Politika 7 komente

VIDEO/ “Tani na duhet turizëm luksoz”, Rama me gazetarët e BE: Nuk e ndryshuam ligjin që të lejonim Kushner-it të shkatërronte mjedisin

15:45 Politika 18 komente

Rama i përgjigjet Bernie Sanders: Shqipëria nuk është rresht në debatet politike amerikane

15:45 Politika 13 komente

VIDEO/ Investimi në Zvërnec, Rama me gazetarët e huaj: E di shumë mirë shijen e gjakut kur protestat ndodhin në mjedis jo të lirë. Kërkojnë anulimin e projektit, por s’ka projekt

15:22 Politika 8 komente

Balla i përgjigjet Bernie Sanders për investimin në Zvërnec: Mos e përdorni Shqipërinë për betejat tuaja politike

15:15 Politika 9 komente