Te fundit
Albin Kurti “po e fsheh të vërtetën” për raportet me SHBA-në
17 Shkurt 2024, 12:58Rajoni
TEMA
Nga Bekim Bislimi REL
Diplomatët amerikanë po u dërgojnë mesazh qytetarëve të Kosovës që “të mos mashtrohen” nga deklaratat e udhëheqësve të tyre se marrëdhëniet me SHBA-në gjoja nuk janë lëkundur, vlerësojnë njohësit e çështjeve politike në Kosovë.
Sipas tyre, ata po e thonë hapur, “pa gjuhë diplomatike”, se ky partneritet është lëkundur seriozisht.
Një ditë më herët, ambasadori i Shteteve të Bashkuara në Prishtinë, Jeffrey Hovenier, tha se çfarëdo sugjerimi se gjërat midis Kosovës dhe SHBA-së janë në rregull, “nuk është aspak i vërtetë”.
Ai e bëri këtë reagim, pasi kryeministri i Kosovës, Albin Kurti, këmbënguli të kundërtën, edhe pse ndihmësi i sekretarit amerikan të Shtetit, James O’Brien, tha më 13 shkurt se vendimi i Kosovës për dinarin serb i ka vënë në pikëpyetje marrëdhëniet Kosovë-SHBA.
Radio Evropa e Lirë pyeti Qeverinë e Kosovës se si e komenton deklaratën e ambasadorit Hovenier, përkatësisht a e sheh si përgënjeshtrim, por nuk mori përgjigje.
Ish-ambasadori i Kosovës në Francë, Qëndrim Gashi, thotë se vetë fakti që Hovenier është dashur të bëjë sqarim publik për të vërtetën mbi raportet Kosovë-SHBA, nënkupton që ajo e vërtetë “i është fshehur publikut nga pala tjetër”, përkatësisht Qeveria e Kosovës.
Sipas tij, deklaratat e diplomatëve amerikanë, O’Brien dhe Hovenier, janë të qarta dhe tregojnë se situata është shqetësuese.
“Imagjinojeni që ata detyrohen t’i drejtohen drejtpërdrejt opinionit publik në Kosovë, sepse mesazhet e tyre, siç duket, nuk po përçohen drejt përmes zyrtarëve të vendit. Kjo është me të vërtetë shqetësuese”, thotë Gashi për Radion Evropa e Lirë.
Ai shton se reagimet e diplomatëve amerikanë nuk kanë të bëjnë vetëm me çështjen e dinarit, por se ndërlidhen edhe me modelin e veprimit të autoriteteve të Kosovës, që, sipas tij, është populist.
Autoritetet janë kritikuar për moskoordinim me aleatët perëndimorë, përpara se ta merrnin vendimin që parasheh përdorimin vetëm të euros në Kosovë.
Por, Kurti ka thënë se ky është vendim i Bankës Qendrore të Kosovës - institucion ky i pavarur.
Sipas Gashit, Qeveria e Kosovës nuk bën t’i lëkundë marrëdhëniet me SHBA-në, aq më pak në një kohë kur bota përballet me kërcënime të sigurisë.
“Mesazhet janë të qarta dhe kambanat bien për ata që kanë vesh”, thotë Gashi.
Arton Demhasaj, nga organizata joqeveritare “Çohu”, thotë se deklarata e Kurtit se partneriteti me SHBA-në nuk është rrezikuar, është “mashtrim”.
“I bie që ti po e mashtron vetëm popullin dhe militantët e pastër partiakë që i ke, sepse nuk mund t’i mashtrosh Shtetet e Bashkuara të Amerikës, për aq kohë sa ato - madje duke e anashkaluar gjuhën diplomatike - po dalin dhe po e thonë troç”, thotë Demhasaj për Radion Evropa e Lirë.
Sipas tij, deklaratat dhe veprimet e Kurtit janë populiste dhe kanë më shumë efekt elektoral pozitiv për të dhe partinë e tij.
Por, sa i përket Kosovës, thotë Demhasaj, “efektet negative janë shumë të mëdha”, pasi vihet në pyetje partneriteti.
Ai shton se nuk ka ndodhur më herët që një ambasador amerikan t’i drejtohet direkt opinionit për t’ia thënë “të vërtetën e SHBA-së në raport me Qeverinë e Kosovës”.
“Neve mund të na duken që janë të parëndësishme, por kur flasim për njërin prej partnerëve kryesorë të çlirimit të Kosovës, të pavarësimit të Kosovës dhe të rrugëtimit dhe zhvillimit demokratik të saj - që është SHBA-ja - mendoj se mund të kemi pasoja”, thotë Demhasaj.
Në të kaluarën, mosbindja e Kurtit ndaj kërkesave të SHBA-së është pasuar me masa të caktuara ndëshkuese. Për shembull, vitin e kaluar, SHBA-ja e ka përjashtuar Kosovën nga një stërvitje e rëndësishme ushtarake, pasi nuk u është bindur kërkesave të saj për ta shtensionuar situatën në veriun e vendit, të banuar me shumicë serbe.
Në rastin aktual, autoritetet në Kosovë thonë se kanë të drejtë në vendimin e tyre për dinarin, aq më tepër kur parashihet edhe me Kushtetutë.
Dinari, që nga paslufta, është përdorur në të gjitha mjediset me shumicë serbe në Kosovë.
Lista Serbe, partia më e madhe e serbëve në Kosovë, e ka cilësuar ndalimin e tij si përpjekje të autoriteteve kosovare “për t’i dëbuar serbët”.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Çfarë të bëjë Albin Kurti,? Ameriçki pornografiçki film ,po përpiqet t'a përdorë Kosovën si plaçkë tregu. Amerika e humbi betejën me rusët në Ukrainë,po e humbet edhe në Europë dhe ndoshta do të marrë me të mirë rusët e serbët në kurriz të Kosovës. Edhe ajo vizita e atij vulëhumburit dje këtu kështu tingëlloi " Shqipërinë e kemi tonën,për Kosovën shohim e bëjmë"! T'ja lësh Kosovën t'a menaxhojë Europa me lajçakë e uturakë ,që shpallin Vucicin faktor stabiliteti do të thotë t'a kthesh në Serbi. Shto pastaj edhe Edi Ramën,dhe riardhjen e mundëshme në pushtet të Trump..Kosova vërtetë luan ekzistencën e saj si shtet këto kohë. Ç'të bëjë Kurti!? Provokoi një incident në Banjskë po ai i doli bllof,askush në Europë se mori seriozisht ,përveç ca deputetëve gjermanë naivë dhe një deputeteje britanike pa peshë që folën ,asnjë kufizim nuk ju vu Serbisë ,për atë ngjarje... Kurti kupton nga politika,Kurti nuk është në listëpgesën e askujt,Kurti e do Kosovën prandaj reagon. Amerika njihet,sa kalon lumin, të dhjet kalin....
Per c'do hap ,qe Qeveria Kurti ka marr,eshte ballafaquar me ndeshkime,kercenime serioze nga aleatet tane te cilet na kane ndihmuar,na krijuan mundesi te jemi anetare ne disa organizata europiane dhe boterore.Eshte per tu reflektuar se gjithe keto lumej ujrash,i tere ky ortek i madh mbi vlerat e Republikes te Kosoves,po e zbeh ardhmerine e Republikes te Kosoves.Qeveria e Republikes te Kosoves,ka bere disa hapa te cilat jane per te inkurajuar .por konsultimi qe anashkalohet me SHBA,ANGLI,GJERMANI,nuk duhet te ndodhi.Mrekullirat ,sukseset kjo Qeveri deri tani i ka patur gjithmone ne bashkeveprim me nji gjuhe te perbashket.I mallkuari dinar,u shenderrua ne nje kafshate qe nuk kaperdihet,prandaj duhet reflektim se te mirat nuk i fitojme dot vete ,ato i kemi edhe nga ndihma e aleateve.Kryeministri i cili deri tani eshte perballur me sfida shum te medhaja,duhet imazhin ,fitoret ti koordinoj me ata te cilet na e duan te miren.Fatkeqesisht,shkopi magjik nuk eshte ne duart tona,mos e fusim ne pikepyetje egzistencen e RK,kur e kuptojme qe armiku rusoserbe kinogrek,e ndjekin situaten ashtu sic e ndjekin lojtaret figurat e shahut.Per Republiken e Kosoves,duhet ecur me hapa te sigurta ,gjithmone me aleatet,sepse Liria,Pavaresia,Integriteti i Republikes te Kosoves,duhet te jete i perjetshem,bindjet idet politike shkojne dhe vijne.Kryeminister,pertej kesaj perde qe sheh pooulli,duhet nje teflektim dhe bashkepunim serioz...me keqardhje qe situata agravoi dhe eshte ketu ku eshte..