“Beogradi të heqë dorë nga veprimet destabilizuese”, Haradinaj reagon për vrasjen e policit në veri të Kosovës

24 Shtator 2023, 11:47Rajoni TEMA

“Beogradi të heqë dorë nga veprimet destabilizuese”,

Kryetari i AAK-së, Ramush Haradinaj ka reaguar pas vrasjes së policit në veri të Kosovës.

Përmes një postim në Facebook, Haradinaj ka shkruar se sulmi ndaj efektivëve të policisë është goditje e rëndë mbi paqen dhe stabilitetin jo vetëm në Kosovë, por edhe në rajon.

“Ky sulm terrorist është goditje e rëndë mbi paqen dhe stabilitetin jo vetëm në Kosovë por edhe në rajon!

Beogradi duhet që urgjentisht të heqë dorë nga veprimet e veta destabilizuese e luftënxitëse me pasoja të paparashikueshme jo vetëm për Kosovën por edhe për Serbinë.

Është investuar shumë për paqen dhe askush nuk do të lejohet ta rrezikojë atë.

Ftoj organet tona të rendit për bashkërendim të veprimeve me KFOR dhe aleatët tanë të sigurisë të prirë nga Amerika, dhe të ndërmarrin të gjitha veprimet e nevojshme për ta zbardhur gjithë këtë situatë dhe për të sjellë para drejtësisë, përgjegjësit e këtij akti.

Rendi dhe ligji s’ka alternativë. Ngushëllime për familjen e policit që humbi jetën dhe shërim të shpejtë për policin e plagosur!”, ka shkruar Haradinaj.

2 Komente

  1. D
    Doda

    I paska shpetu pa e fajsu Kurtin

    1. a
      adi

      Gjat gjithe kohes z .Haradinaj e ka akuzu Kurtin per destabilizim ne veri pa te drejt kuptohet lutem te kete marr mend ma ne fund se Serbija eshte ajo qe e destabilizin Koseoven

      Lini një Përgjigje