Në vizitën e tij të parë zyrtare në Turqi, kryeministri i Kosovës Albin Kurti mori të gjithë mbështetjen që mund të kishte kërkuar nga Rexhep tajip Erdogan, të paktën këtë treguan deklaratat e presidentit turk.

“Turqia, tha Erdogan, është e gatshme të ofrojë çdo mbështetje të mundshme për paqen dhe stabilitetin në rajonin e Ballkanit Perëndimor dhe të japë kontributin e nevojshëm, nëse diçka e tillë kërkohet nga Kosova dhe Serbia.

“Ne i kushtojmë rëndësi madhore zhvillimit të marrëdhënieve paqësore të Kosovës dhe të gjithë fqinjëve të saj. Në këtë kuadër, e mbështesim plotësisht dialogun Kosovë-Serbi dhe presim që palët të dëshmojnë një qasje paqësore e konstruktive. Shpresojmë që procesi i dialogut me Serbinë të përmbyllet duke siguruar paqen dhe stabilitetin e qëndrueshëm në rajon”, tha Erdogan.

Kurti përcolli falënderimet e tij për “mbështetjen e zëshme” për anëtarësimin e Kosovës në NATO dhe në Këshill të Evropës. “Në NATO na bashkon orientimi. Në Këshill të Evropës vlerat. Në të dyjat, na bashkon momenti kritik nëpër të cilin po kalon kontinenti i Evropës”, tha ai ndërsa kujtoi se Turqia është një ndër partnerët kryesore tregtare të Kosovës.

“Një nga synimet tona kryesore si Qeveri e Republikës së Kosovës, është krijimi i një mjedisi të favorshëm për të tërhequr investitorë të huaj, në mënyrë që të krijojmë ekonomi të qëndrueshme. Duhet të shfrytëzohet bashkëpunimi për të arritur potencialitetin e madh të tij”, tha Kurti.

Erdogan nënvizoi se Turqia po vazhdon përpjekjet për t’u siguruar që Kosova të “arrijë pozicionin e merituar në arenën ndërkombëtare”, dhe u shpreh mbështetës për rrugëtimin dhe ambicien e Kosovës për integrim në organizatat ndërkombëtare. Në takim megjithatë, ai nuk ka lënë pa përmendur edhe lëvizjen Hizmet, të klerikut Fetullah Gulen, të cilës Turqia i referohet me akronimin FETO dhe të njëjtën e ka shpallur organizatë terroriste.

5 Komente

A
Adam

4 Shkurt 2023, 15:22

Keni 500 vjet qe beni bisedime , Turkofuckos paska te drejte, jemi Turq po pse nuk na bashkojne me Turqine?

Përgjigjjuni
1. O
  Orhan Pamuk: birazere tourkalvani,mos luani shqipt
  
  5 Shkurt 2023, 10:54
  
  Hahahaha, po si ore nuk jeni turq kur ne damaret tuaj qarkullon gjak erdogani.......turq e kaluar turqeve, mjafton te shikoni bazurretin ne pasqire.
  
  Përgjigjjuni
S
Sokol

4 Shkurt 2023, 15:53

Nuk ka aresye te negocioje nje i trete kur janedy te fuqishem

Përgjigjjuni
G
Garda Pretoriane (ajo e Skenderbeut)

4 Shkurt 2023, 17:53

Kosova nuk ka nevoje per negociator ndihmes. Kosova ka Ameriken dhe i beson asaj.

Përgjigjjuni
1. D
  Dardan
  
  5 Shkurt 2023, 11:08
  
  SHBA ka interesa te medha dhe eshte gati te sakrifikoje shtetet evegjel; Turqia ka nenshtetasit e vet ne Ballkan dhe ne Kosove.
  
  Përgjigjjuni