Te fundit
Ish-ministrja shqiptare, Besa Shahini shpall kandidaturën për kryetare të Prishtinës
3 Qershor 2025, 15:33Rajoni
TEMA
Ish-ministrja e arsimit në Shqipëri, Besa Shahini ka shpallur kandidaturën e saj për kryetare të Prishtinës.
Përmes një postimi në Facebook, Shahini ka ndarë një video ku njofton vendimin e saj për të kandiduar në zgjedhjet lokale që do të mbahen në vjeshtë në Kosovë.
Shahini thotë se Prishtinës i duhet një ndryshim radikal, ndaj do të garojë në zgjedhjet lokale, teksa iu bën thirrje qytetarëve për t'u bërë pjesë e këtij ndryshimi.
‘‘Para 4 viteve jam kthyer të jetoj në Prishtinë nga Tirana, në një qytet që e dua fortë, që e ka një potencial të jashtëzakonshëm i cili ka marr një kahje të gabuar në zhvillimin e vet.
Është një qytet që është kryesisht i mbuluar me beton, pa hapësira të mjaftueshme të gjelbërta, kryesisht i papastër dhe jo shumë miqësor për fëmijët. Prishtinës i duhet një ndryshim radikal në kahjen e zhvillimit. Unë dua të jem pjesë e këtij ndryshimi, ndaj në vjeshtë do të garoj për kryetare të Komunës në zgjedhjet lokale 2025.
Ju ftoj të më bashkangjiteni të gjithë ju që i ndani shqetësimet e mia për qytetin dhe që keni sado pak energji që të përfshiheni në përpjekjen tonë të përbashkët për ndryshim’’, ka deklaruar ajo.
Më parë, Besa shërbeu si ministre dhe zëvendësministre në Ministrinë e Arsimit Sportit dhe Rinisë në Republikën e Shqipërisë, nën qeverisjen e kryeministrit Edi Rama.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kjo ka qene Ministria e Arsimit me potente gjat tranzicionit eshte intelektuale e formuar si kulture dhe si metode pune . Votoni kete zonje te kulturuar . Zgalem
Kosova ka nevoj per njerez te perkushtuar dhe te paKorruptuar
Suksese Goce Kamjone, Krenaria Kosoves.
Kosovaret jane te mire per kosovaret por jo per ne shqiptaret e Shqiperise. Skane qene dhe kur sdo jene bashke eshte nje genjeshter e madhe. Te respektojme njerin tjetrin ne keto raporte.
Bravo Besa, suksese.