Policia e Kosovës sulmohet nga një makinë gjatë shërbimit në veri të vendit

23 Janar 2023, 15:07Rajoni TEMA

Policia e Kosovës sulmohet nga një makinë gjatë

Patrulla e Policisë së Kosovës, është sulmuar gjatë ditës së sotme në vendin e quajtur Bistricë në Komunën e Leposaviqit.

Sipas njoftimit të policisë, njësia policore ka qenë në pikë kontrolli dhe gjatë realizimit të detyrave ka tentuar ta ndalojë një veturë, e cila gjatë lëvizjes ka goditur automjetin e Policisë së Kosovës.

Të ndjerë nën rrezik për jetën zyrtarët policorë kanë shtënë me armë zjarri në drejtim të veturës.

Njoftimi: 

Sot, më 23 janar në Bistricë të Leposaviqit, një njësi policore ka qenë e caktuar me detyrë zyrtare në pikë kontrolli, me qëllim të ruajtjes së rendit dhe sigurisë publike si dhe parandalimit të krimit e kontrabandës.

Njësia policore e cila ka qenë në pikë kontrolli, gjatë realizimit të detyrave policore ka tentuar ta ndalojë veturën në fjalë, e cila gjatë lëvizjes ka goditur automjetin e Policisë së Kosovës duke rrezikuar drejtpërdrejt edhe jetën zyrtarëve policorë, të cilët për të neutralizuar rrezikun ndaj tyre kanë shtënë me armë zjarri.  

Personat e dyshuar, së bashku me mjetin e tyre janë larguar nga vendi i ngjarjes, përderisa hetimet lidhur me rastin janë duke u kryer, në bashkëpunim dhe koordinim me organet e drejtësisë. Lidhur me rastin, Policia e Kosovës ka njoftuar edhe Inspektoratin Policor të Kosovës për procedura të mëtejme.

1 Komente

  1. F
    Fatosi-kosove

    Uroj qe tmos ndodhe asgje me policet qe kane shtene kunder krimineleve serb siq ndodhi me ata qe dikur arrstuan gjuriq magjupin, te gjithe u larguan nga policia dhe u arrestuan me akuzen : teprim i forces ndaj nje zyrtari Ndersa sfeklla ban spektal ne Facebook, mender presednike osmanka eshte e zanun siq duket me kerkesen e kurrcit qe ta dekreton ivanoviqin ne deshmo, e vet kurrci eshte zhdukur, ka halle djali qe bashk me osmanken e filozof ahmak konjufcen vrapojne te bajne foto me nga nje foltore ne dore.

    Lini një Përgjigje