Te fundit
Stano: Veprimet e Kosovës të pakoordinuara dhe të njëanshme
5 Shkurt 2024, 15:00Rajoni
TEMA
Bashkimi Evropian ka sqaruar gjatë ditës së sotme se reagimet gjatë fundjavës ndaj disa zhvillimeve në Kosovë kanë pasur për qëllim që t’i shmangin tensionet pas disa veprimeve të autoriteteve të Kosovës që BE-ja i ka quajtur “të njëanshme dhe shqetësuese".
Këtë e ka thënë të hënën në një konferencë me gazetarë, Peter Stano, zëdhënës i BE-së për çështje të politikës së jashtme dhe sigurisë.
“Përgjatë javës së shkuar kemi parë së paku dy shembuj të veprimeve që kanë nxitur shqetësimin e Bashkimit Evropian. Njëri ishte rregullorja e Bankës Qendrore të Kosovës dhe tjetra operacionet policore ndaj disa entiteteve të udhëhequra nga Serbia. Këta hapa janë shqetësues për shkak se ata nuk kontribuojnë në shtensionimin e situatës“, ka thënë Stano.
Me vendimin e Bankës Qendrore të Kosovës që të përdorë vetëm euron për pagesa, nga 1 shkurti është hequr përdorimi i dinarit serb. Ky vendim i Kosovës u kundërshtua nga Serbia, ndërsa bashkësia ndërkombëtare kërkoi shtyrjen e zbatimit të tij me arsyetimin se ekziston shqetësimi se mund të ketë ndikim negativ te serbët e Kosovës.
Po ashtu, më 2 shkurt, në një aksion policor, autoritetet kosovare mbyllën tri komuna në Pejë, Istog dhe Klinë, të cilat funksiononin paralelisht në sistemin serb.
Stano ka theksuar se, “ato veprime, zakonisht, nuk janë të koordinuara, janë të njëanshme dhe pa nivelin e duhur të konsultimeve paraprake për të shmangur ndikimin negativ që mund të kenë ndaj njerëzve në terren. Prandaj, Bashkimi Evropian reagoi ndaj të dyja këtyre zhvillimeve“.
Sipas zëdhënësit të BE-së, këto deklarata ishin përforcuar edhe nga partnerët tjerë ndërkombëtarë si dhe nga ana e Komisionit Evropian.
“Natyrisht, se është shqetësuese kur shohim se një varg i hapave të njëanshëm mund të çojë deri te diçka që ne nuk do të donim të shihnim - përkeqësimi i situatës në terren. Sepse, një gjë është e qartë, ato veprime nuk japin kontribut për të qetësuar situatën dhe për të ndihmuar që njerëzit të ndihen se jeta e tyre po bëhet më e mirë. Krejt e kundërta. Prandaj është e rëndësishme të kthehen në dialog“, ka thënë ai.
Duke iu përgjigjur pyetjeve se a planifikohen takime të shpejta në kuadër të dialogut, zëdhënësi i BE-së ka thënë se po punohet në atë drejtim, porse nuk ka ndonjë datë të paraparë.
“Përfaqësuesi i posaçëm i BE-së, Mirosllav Lajçak, po punon me partnerët nga të dyja palët në rajon dhe në BE, si dhe me bashkësinë më të gjerë ndërkombëtare, në mënyrë që të mundësohet që të dyja palët të fillojnë të sillen në mënyrë konstruktive, të kthehen në tryezën e bisedimeve dhe të diskutojnë çështjet e rëndësishme pa hapa të njëanshëm“, është shprehur Stano.
“Nuk jam në gjendje të shpall ndonjë datë të ndonjë takimi të radhës. Përfaqësuesi i posaçëm po punon me një ritëm të përditshëm dhe shpresojmë se në një moment do të do të jemi në gjendje të caktojmë një takim të nivelit të lartë të presidentit nga Serbia dhe kryeministrit nga Kosova, ku do të bënim përpjekje për t’u ndihmuar t’i zgjidhin çështjet“, ka thënë ai, por ka përsëritur se “tash për tash nuk ka ndonjë afat kohor të caktuar”.
“Ne u bëjmë thirrje autoriteteve të Kosovës që të angazhohen në procesin e konsultimeve dhe të shmangin hapat tjerë të njëanshëm sepse ata hapa kanë vërtet një efekt kundërproduktiv”, ka tëhënë Stano.
Bashkimi Evropian gjatë fundjavës kishte dhënë një deklaratë duke i kërkuar Kosovës që, çështjen e statusit të komunave që vazhdon t’i administrojë Serbia, t’a zgjidhë përmes dialogut./REL
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ik or Koke Loqe.Pse na u dashka qe edhe mbas 20 vitesh Shtet i panvarur duhet te perdori Dinari n qe eshte monedha e nje shteti Vrases.Ma Va Fancullo stronco.
Albini eshte idiot, po i krijon Amerikes dhe Europes pershtypjen, se Kosova do i shtypi minoritetet Serbe ne Veri. Edhe ne Shqiptareve na eshte krijuar bindja, qe Albini kerkon sherr ne Veri te Kosoves, gje e cila i intereson Serbise. Cfare dobie do i sjelli Kosoves kjo e monedhave, apo eshte vazhdimi historise Patentave per te krijuar tensione ne Veri? Le te bejne nje studim ekonomik, te dalin t ethone qe Kosova perfiton kaq Miljon Euro nga ky vendim, une kam pershtypjen pervec sherrit, asgje nuk perfiton Kosova. Enver Hoxha ishte nacionalisti me i madh i Shqiperise, dhe i la te gjitha te drejtat minoritetit Grek ne Dropull. Amerika e tha hapur, ndaluni, se perndryshe Amerika do marri masa ndaj Kosoves. Albini eshte nje grindavec, merret me cikerrima, kerkon sherr, kerkon te degjohet sikur po ben gjera te medhaja.
Stano or "koqe kanari"! Ti nuk merr vesh nga teoria e kaosit. Kurti dhe Maoe Ce Tungu jane dy filozofet gjeni qe kuptojne kete teori, qe as Ajshtani nuk e kuptonte. Mao Ce Tungu thoshte "Turbullohe qe te kethjellohet"! Kurti eshte edhe me i zgjuar se Mao Ce Tungu sepse nuk eshte llafazan si Mao Ce Tungu, por e zbaton ne Kosove teorine e kaosit. Ai do e beje Kosoven lesh e li dhe mut haleje, qe me ne fund te zgjidhet problemi?! Cuditerisht keshtu do Putini! Putini eshte dobic. Ai nuk thote turbullo vehten, sic ben Kurti, por bej rrumpalle te tjeret. Kurti eshte tipik Kurt Rrumpalla!
"Trap" dhe "Pilo Lala" te dy trapër! Shteti i Kosoves eshte ne rruge te drejte pamvareshit nga "Stanot" dhe traperit e kesaj bote! Para Kosove!
Faleminderit Nik per kritiken. Edhe mua me pelqen thirrja jote: Para Kosove! Bile do me pelqente edhe me bukur sikur vet Albini te jepte komanden : Para Kosove me hap rreshtor: Nje, dy, nje, dy- drejt gremines!....Idjot dhe naiv qe i keni thene mendjes pirdhu. Ju duket sikur trurin tuaj ja keni dhene nen komande Albi Sp....