Te fundit
Piramida e re ushqimore, mes shkencës dhe politikës (VIDEO)
8 Shkurt 2026, 15:09Shëndeti
TEMA
Piramida e re ushqimore e prezantuar së fundmi në Shtetet e Bashkuara po ngjall debate të forta në qarqet e shëndetit publik dhe nutricionit, me ekspertë që vënë në dyshim bazën e saj shkencore dhe ndikimin e faktorëve politikë e industrialë.
Në një intervistë për Apostrof Podcast, mjekja nutricioniste Albana Daka argumenton se ky model i ri duket se reflekton më shumë logjikat e politikës dhe interesave të tregut sesa një konsensus të thelluar shkencor. Ajo bën një paralele me mënyrën se si SHBA-ja ka trajtuar çështje shëndetësore si përdorimi i paracetamolit në shtatzëni: ndonëse rreziqet njihen gjerësisht, Amerika mbetet një nga konsumatorët dhe promovuesit më të mëdhenj të këtij medikamenti, duke e bërë atë lehtësisht të aksesueshëm kudo.
Sipas Dakës, piramida e re përmban disa përmirësime, të nxitura kryesisht nga rritja alarmante e obezitetit dhe diabetit — jo vetëm të tipit 2, por gjithnjë e më shumë edhe të tipit 1 te fëmijët. Këto tendenca, fillimisht të dukshme në SHBA, tashmë janë bërë shqetësim global.
Megjithatë, mjekja thekson se përpjekja për të “sistemuar” dietën duket se është bërë pjesërisht mbi baza shkencore, por njëkohësisht e ndikuar nga retorika politike dhe dinamika mediatike, duke e kthyer debatin mbi ushqimin në një terren të politizuar më shumë sesa shkencor.
Ndiq episodin e plotë të Apostrof Podcast: Si po e shkatërron industria kulturën tonë ushqimore? | Albana Daka | Apostrof #56
Më të lexuarat
24 oret e fundit
Javen e fundit
Blog Tema
