Te fundit
“Jeta ime ka qenë vetëm ato 18 vite”- Flutura Açka mes lotëve rrëfehet për humbjen e djalit të vetëm
21 Nëntor 2022, 12:02Sociale
TEMA
Deputetja dhe shkrimtarja e njohur Flutura Açka ka qenë e ftuar këtë të diel në “Dola te Ola” në televizionin News24 ku ka bërë një rrëfim të rrallë për djalin e saj të ndjerë. Shkrimtarja tha se të qenurit nënë ka qenë prova më e bukur për të.Deputetja tregoi se ndryshe nga shumë mike të sajat të cilat kanë qenë të përkushtuara në karrierë, ajo gjithmonë e ka dëshiruar dhe kërkuar mëmësinë.
Flutura mes emocioneve rrëfeu marrëdhënien e ngushtë dhe shumë të veçantë që ka patur me të birin i cili siç tha e kishte pagëzuar me emrin Flutneshë. “Jeta ime ka qenë vetëm ato 18 vite”, tha Açka, duke u përpjekur gjatë gjithë kohës të mbajë lotët që gjithsesi nuk mund t’i fshihte. Shkrimtarja u shpreh se pas largimit të tij, ajo nuk ka jetuar më vetëm për veten por edhe për atë.
Flutura zbuloi se pas ikjes së të birit nga kjo jetë vendosi të realizojë planet që kishte me të, duke bërë edhe udhëtimet që kishin planifikuar. “Kam udhëtuar vetëm, por në të vërtetë kam qenë me djalin tim. Unë jam gjysmë Flutura, gjysmë im bir”, tha deputetja, duke u shprehur se kjo është jeta dhe fati i saj, ndaj ajo duhet të vazhdojë siç ishte edhe amaneti i të birit. Teksa u pyet për ndikimin e kësaj ngjarje, shkrimtarja tha se e ka bërë më të brishtë dhe më të përgjegjshme me të tjerët.
Gjatë bisedës së ndjerë, Açka theksoi se tashmë ajo nuk ndjen më asgjë në jetën e saj, nuk ka gjë që atë e trondit. Ndërkohë e pyetur se a beson te jeta e përtejme ku mund të takohet sërish me të birin, shkrimtarja tha se ajo e përjeton si të tillë, por çfarëdo qoftë rëndësi ka që “do të shkojë tek i biri”. “Përderisa im bir është diku dhe unë do shkoj aty”.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Nuk e lexova por e kam degjuar 2-3 here dhe konstatoje se eshte bere nje personazh i besdisshem...Sikur vetem kjo ka patur fatkeqesi te till ne kete bote...jane me mijra e mijra familje shqiptare qe jane ne te njejten situate me plage te pasherueshme ,ku kane humbur te dashurit e tyre,por ajo qe eshte me e keqja fatkeqsine e saj kjo egoiste e peshtire e lidh me politiken sikur fajin ja ka komunizmi apo Edi Rama.Anjehere nuk e kam degjuar kete fytyre te flasi per familjet fatkeqe te te vrareve nga shperthimi i municioneve ne Gerdece te bisnesit te djalit te Sali Kermes apo te vraret e 21 janarit.
Për djalin, ngushëllime por, ti je një femër që nuk ke merituar kurrë të bëhesh nënë, je një shtrigë e vërtetë.