“Doja Anglinë, Silvinho qëndron”, Armand Duka: U habita nga ky Ceferini që nuk rikandidoi

8 Shkurt 2024, 21:20Sport TEMA
“Doja Anglinë, Silvinho qëndron”, Armand Duka: U habita

Presidenti i FSHF dhe njëkohësisht zv.Presidenti i UEFA, Armand Duka foli për Supersport pas shortit të Shqipërisë në Nations League. Duka komentoi rivalët, rinovimin e Sylvinhos, ndërsa u pyet edhe për kandidaturën e mundshme për president të UEFA-s pas tërheqjes së Ceferin.

Shorti? “Janë skuadra të të njëjtit nivel sportiv, i pranueshëm. Janë skuadra të mira, por nuk mund të thuhet se do të ishim më mirë në një grup tjetër. Jemi një grup i balancuar, i vështirë për t’u parashikuar fitues. Grup interesant.

Nëse do të kisha zgjedhur me dorë mund të kishte ndryshime, nuk doja Çekinë. Janë të fortë dhe e kemi provuar, do të më pëlqente pse jo Anglia. Është kënaqësi kur luan kundër të mëdhave dhe fiton eksperiencë.

Ajo që dua dhe që i bëj thirrje futbollistëve është që le të mos mendojmë shumë për këtë short, edhe pse do ta marrim seriozisht, por duhet të përqëndrohemi në Europian. futbollistët duhet ta shijojnë Europianin, ashtu edhe tifozët. Spanja, Kroacia dhe Italia ishin në Ligën A dhe ne ato i kemi në grupin e Europianit”.

Kur konfirmohet Sylvinho apo keni ndonjë plan B? “Nuk ka asnjë plan B, nuk e mendoj të ndërpres marrëdhënien me stafin. Ka qenë një periudhë e ngarkuar dhe nuk kemi pasur kohë të ulemi dhe të bisedojmë. Kemi para Europianin dhe ai ka qenë i përqëndruar aty, është një sukses i madh edhe për Sylvinhon që nuk është një nga ata tranerët me shumë eksperiemcë. Por, do ta gjejmë mundësinë të diskutojmë edhe për atë që do ndodhë përtej Europianit”.

Kandidat për president të UEFA-s pas vendimit të Ceferin për të mos rikandiduar? “Nuk e prisja këtë pyetje. Asgjë nuk e pengonte Ceferin që të vazhdonte, por edhe unë si futbollistët jam i përqëndruar te Europiani”, u shpreh Duka.

2 Komente

  1. B
    Bubi

    S'ka problem o koqe, grupi me i veshtire ne na ra!

    1. L
      Liku - Kush me shan per debat nuk ia mban

      Ha ha ha , doje Angline ? Ok , shiko njehere se cfare do te pesosh ne Europian nga Spanja , Italia dhe Kroacia , pastaj vazhdo enderro te mundesh Angline. Skuada Shqiptare eshte teper modeste. Ne Nation League kete sezon rrezik do bjere ne ligen C. Mos mendon Duka te munde perseri Cekine ??!!! As Ukrainen mos e shkoje nder mend. Ndoshta me Gjeorgjine mund te perballet.

      Lini një Përgjigje