Te fundit
Tirana fiton derbin e pesë golave ndaj Dinamo City
17 Mars 2024, 19:04Sport
TEMA
Tirana triumfoi në derbin ndaj Dinamos më rezultatin 3-2, në sfidën e vlefshme për javën e 28-të në Superiore.
Një përballje spektakolare me pesë gola të shënuar, por në fund ishin bardheblutë ata që fituan.
Ndeshja nisi me Dinamon më kërkuese, por golin e gjeti Tirana.
Në minutën e 7-të, një aksion i rrjedhshëm nga bardheblutë, me Abazajn që asiston në zonë, aty ku Nikqi me kokë nuk fali dhe zhbllokoi sfidën.
Në minutën e 18-të, ishte Latifi që fitoi penallti, të cilën e ktheu vetë në gol.
Dinamo reagoi, duke rrezikuar në disa raste, por nuk ia doli të shënojë, në pjesën e parë.
Në të dytë, ishte Klevi Qefalija, që ngushtoi diferencat në minutën e 69-të, ndërsa 7 minuta më vonë, i shënoi edhe të dytin ish-skuadrës së tij, duke barazuar sfidën.
Megjithatë, baraspesha zgjati shumë pak, pasi në minutën e 79-të, Jonuzi shënoi të tretin për Tiranën, gol që rezultoi vendimtar deri në fund.
Me këtë fitore, Tirana mban vendin e pestë me 39 pikë, ndërsa Dinamo në vendin e gjashtë me 3 pikë më pak.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
KAMPIONE KËTË SEZON DEL VLLAZNIA.EDHE POS E MORI ME MERITË,DO JA JAPI FEDERATA, ME POLITIKËN. TË MOS HAROJMË,SE VITIN QË VJEN,DO MBAHEN ZGJEDHJET PARLAMENTARE.KA NDODHUR,EDHE HERË TË TJERA. NUK KA MË NDERSHMËRI.PËR JETË ME TY PARTIZAN!!