SHBA: Tejkaloni ngërçin politik

Departamenti amerikan i Shtetit kërkon reforma dhe luftë anti-korrupsion nga qeveria shqiptare

Departamenti amerikan i Shtetit i ka bërë thirrje klasës politike shqiptare që të tejkalojë ngërçin e saj, i cili sipas DASH është kthyer në një pengesë për zhvillimin e vendit. Zv-ndihmës sekretari i Shtetit për çështjet Evropiane dhe të Euroazisë, Tom Kantrimen, tha të mërkurën zhvillimi i Shqipërisë është penguar pikërisht nga përplasjet e tejzgjatura politike dhe korrupsioni. “Mosmarrëveshjet politike duhet të marrin fund. Ato nuk i shërbejnë vendit. Madje, ishin një nga shkaqet e refuzimit të statusit të vendit kandidat”, ka deklaruar zyrtari i DASH. Kantrimen ka vlerësuar se në vitet e fundit Shqipëria ka bërë progres, por ka nënvizuar se mbetet ende për t’u bërë, në veçanti në vendosjen e shtetit ligjor. “Duhen kryer një sërë reformash kyçe. SHBA do ta ndihmojnë Shqipërinë jo vetëm për anëtarësimin në BE, por sepse këto reforma janë jetike për demokracinë”, ka shtuar Kantrimen. Komentet ai i bëri në Komisionin për Sigurinë dhe Bashkëpunimin në Evropë i Kongresit Amerikan, që njihet edhe si Komisioni amerikan i Helsinkit, i cili zhvilloi të mërkurën një seancë dëgjimore, për të diskutuar rreth përparimit që është bërë në 7 vende të Ballkanit Perëndimor dhe sfidat me të cilat përballen këto vende në të ardhmen.

Lidhur me Shqipërinë Kantrimen tha se vendi vazhdon të bëjë përparim të mirë drejt integrimit të plotë në institucionet euro-atlantike, duke shtuar se sfidat mbeten të shumta.“Por ky përparim i Shqipërisë është dëmtuar nga korrupsioni dhe mosmarrëveshjet politike, përfshirë bojkotimin e parlamentit nga opozita. Mosmarrëveshje të tilla nuk i shërbejnë interesave të popullit shqiptar dhe duhet të marrin fund”, tha ai.

Duke folur për rajonin Kantrimen, tha se Shtetet e Bashkuara mbeten të angazhuara për përparimin e këtyre vendeve, por në fund të fundit, theksoi ai, përgjegjësia për zgjidhjen e sfidave të mbetura bie mbi secilin nga këto vende dhe udhëheqësit e tyre. Shqipëria, Kosova, Maqedonia, Mali i Zi, Serbia, Kroacia dhe Bosnje-Hercegovina kanë shënuar përparim drejt integrimeve euro-atlantike. Sipas folësve në seancë, perspektiva e anëtarësimit në Bashkimin Evropian, është një prej motiveve më të forta të mundshme për t’i dhënë shtytje përparimit të deritanishëm në Ballkan. Zv-ndihmës sekretari i Shtetit  tha se Shtetet e Bashkuara mbështesin pranimin në BE të të gjitha vendeve të rajonit.

Arratiset ish-kryeministri kroat Sanader

13:20 Politika

Procesverbali i mbledhjes së parë për krijimin e PD-së

11:08 Politika

Vajza e Topallit, në shtëpi me qera të paguar nga ambasada

10:58 Politika

Dhjetori 2010 i gjen më të ndarë se kurrë dhjetoristët e ’90

15:32 Politika

Rajerson: PD duhet të demokratizohet si parti

15:28 Politika

Dhëndërri i Jozefinës emërohet atashe në Francë

15:23 Politika

Tërhiqet uji, zgjerohet protesta ndaj qeverisë

18:01 Politika

Shkodër, liqeni hyn në qytet

18:29 Politika

Rama: Librat e Fahri Balliut po pushtojnë bibliotekat e shkollave

18:03 Politika