Gimi i Puros bën gati surprizat për të uruar Lulin

Gimi i Puros u zgjua sot me një plan në kokë. Do t’i bënte surprizë Lulit për fitoren. Ndryshe nga ata që e uronin me sms dhe telefonata, Gimi vendosi t’i shkojë në zyrë. Kishte përgatitur një dhuratë për Lulin, një për gruan dhe dy dhurata për fëmijët. Mori Haxhinasen në telefon për t’i shpjeguar dhuratat.

-Ç’paske bërë Gimi, i tha. Ai një fëmijë ka, nuk ka dy.

-E ke gabim, i tha Gimi. Kur nisi fushata në fund të Marsit, Doktori njoftoi se do kishte dy fëmijë. Sipas llogaritjeve i bie që të ketë lindur. Por ai me siguri e mban surprizë ta thotë kur të shkojë në bashki. Unë dua t’ia prish magjinë e surprizës.

-Unë them mos të nxitohesh, i tha Haxhinasia. Janë punë me zarar këto. Se ashtu u nxituan dhe këta të PS me Griseldën dhe e pe se ç’ndodhi. U bë nami në Bruksel. Bile i qortoi dhe ish shefja ime ata të PS që u nxituan.

-I madh je. Sa i kujdesshëm që je mo burrë. Po pse mo Griselda është nusja e Bashës? Hahaha, i madh je. Unë do ta bëj timen. Ai po ka gjë që nuk shkon, nuk ma pranon dhuratën.

-Unë them mos të nxitohesh, i tha Haxhinasia. Më mirë çoji një dhuratë për vete dhe gruan. Mos u ngatërro me fëmijët.

-I madh je, sa i kujdesshëm që je mo burrë. Po Doktori pse ja përmendi … ? Si do t’ia përmendte ai po të mos ishte shtatzani e sigurt?

-Nuk e di Gim. Ti e di që unë ty të kam këshilltar për çdo gjë. Po në këtë rast mos u nxito. Kushedi si ka qenë puna.

-I madh je, mirë, po tërhiqem. Po çfarë t’i bëj ndonjë dhuratë. Dua t’i bëj një surprizë. Dua t’ia bëj patjetër. Më thuaj ndonjë lajm nga bota t’ia çoj si surprizë.

-Po ça të them unë i shkreti. Ja kemi shpërndarë një pasqyrë shtypi anglisht për jehohën e tij në shtypin shqiptar. U ka shkuar gjithë zyrave të BE. Mund  t’i thuash që fola me Fylen dhe ishte i kënaqur se kishte lexuar gazetën 55 në anglisht për fitoren e Bashës.

-I madh je. Po tjetër, tjetër?

-Po ç’të të them unë. Dhe shefi im u ka folur mirë të huajve që ka takuar. U ka thënë që me këtë Tirana do ndryshojë përfundimisht identitetin artificial që i dha Edi Rama dhe do kthehet realisht në identitet siç ka qenë dikur në kohë të PD-së.

-I madh je. Po ja them dhe këtë sikur ma kanë thënë nga Uashingtoni. Se e di ai që kam një mik në Uashington unë, që e njeh atë që ja bën fushatën Bashës, pasi kanë qenë në një avion një herë kur kanë ardhur në Evropë të dy dhe kishte rënë muhabeti.

-Tjetër çfarë të them unë. Mua këta të huajt s’më kanë thënë asgjë, më thonë të presim të zbardhet vendimi. U thashë s’keni çfarë prisni se vendimi një resht ka, d.m.th që jemi dakord me KQZ që ka kalu afati. S’e di se ç’kanë, thonë të zbardhet vendimi. Por ka një lajm pozitiv. Wikipedia e ka nxjerr që Lul Basha është kryetar i ri i Bashkisë së Tiranës.

-I madh je. Po ti këtë të më kishe thënë që në fillim. Kur e ka nxjerrë?

-E ka nxjerrë që mbrëmë. Fazlliçi ishte kontributor se ai ka të drejtë të ndryshojë biografinë e Bashës në Wikipedia, se është bashkëpunëtor i vjetër.

-I madh je. Po kam frikë mos e ka marrë vesh. Se ai e lajmëron vetë. Por unë po them që më tha një miku jonë i përbashkët nga SHBA. Se kemi një mik të përbashkët ne që ka punu dikur tek Këshilli për Marrëdhënie me Jashtë dhe tani është papunë. E kam takuar atë njëherë unë dhe më tha që e njoh Bashën. E di ai. Po them më tha ai.

-A, shumë mirë. Tjetër s’di me se të ndihmoj. Ah, po. Thuaj që të huajt janë gëzuar shumë që fitoren e Bashës e ka përshëndetur dhe opozita.

-I madh je. Për kë t’i them?

-Po ja më tha dikush nga këta të Këshillit të Evropës, që është i djathtë, se ishte i impresionuar nga shpjegimet që i kishte bërë Islami pse Basha duhet të fitonte.

-I madh je. Do t’ia them menjëherë dhe këtë. E bukur kjo. I madh je. Boll i kam. Më ngeli peng kjo punë e fëmijës së dytë. D.m.th mos t’ia çoj dhuratën thua ti? Po jo mo burrë se nuk e bën si Griselda gruaja e tij. Është zonjë grua. Se e kam parë që e shajnë ato të stafit Bashës, po ata janë punë femrash. Xhelozi stafi për gruan. Por nuk besoj se ajo e ka bë si Griselda. I madh je. Po boll i kam këto që më the. Po ja them si sihariqe këto. Boll i ka një herë. I madh je. Si the, dhe ish shefja ime ka qortuar PS për Griseldën? Sa frikë e ke atë më burrë. I madh je.

Pas kësaj u ndanë. Gimja nxori kutin metalike të puros bosh dhe e mbante në dorë duke ecur krenar, ndërsa në dorën tjetër mbante çantën me dhurata për Bashën.

Gimi i Puros diskuton me Haxhinasen mbështetjen ndërkombëtare për Lulin

21:23 Antena

Gimi i Puros, i kënaqur me shtypin në Maqedoni

19:48 Antena

Gimi i Puros komenton bustin e Bushit në Fushë- Krujë

22:54 Antena

Sandri, dyshime për Turin e Kazinosë

22:10 Antena

Gimi, i kënaqur nga komploti kundër Cacit

20:29 Antena

Zgjerohet axhenda diplomatike e Gimit të Puros

19:51 Antena

Gimi i Puros, entuziast për projektin e ri të Malajt

18:44 Antena

Gimja lavdëron zotësinë e Lulit për të fituar me procedurë

18:33 Antena

Baboo këshillon një kredi për Aleancën Kuq e Zi

20:43 Antena 104 komente

Darka e gabuar për Baboon në Golem

20:11 Antena 1 koment