Albin Kurti: Të ndërpriten përfundimisht bisedimet

Bisedimet pa kushte me Serbinë janë bisedime të padrejta dhe joparimore, nga të cilat fiton Serbia, ka deklaruar në një intervistë për Radion Evropa e Lirë, kryetari i Lëvizjes Vetëvendosje, Albin Kurti.

Në vend të kësaj, sipas Kurtit, duhet që Qeveria e Kosovës t’i aktivizojë të gjitha resurset, instrumentet, mekanizmat shtetërorë, që ta shtrijë sovranitetin, integritetin e kufijve dhe integritetin territorial në veri të Kosovës.

“Besoj që për këtë mund të na ndihmojnë edhe shtetet që na kanë njohur, para së gjithash Shqipëria, pastaj Shtetet e Bashkuara të Amerikës, vendet që na kanë njohur nga Bashkimi Evropian dhe kështu me radhë”.

Për këtë arsye, thekson lideri i Vetëvendosjes, do të duhej të kombinohen metodat, në njërën anë ato të shtetit të Kosovës, në kuptimin e policisë, gjyqësisë, të Doganave të Republikës së Kosovës, mbi të gjitha të njësive speciale dhe të FSK-së, dhe në anën tjetër, nëpërmjet metodave socio-ekonomike, të cilat do të shpalosnin edhe një program zhvillimor për veriun nga Qeveria në Prishtinë.

“Mbi të gjitha, duhet të kuptojmë se i kemi rreth 4 mijë shqiptarë atje që janë shumë të rrezikuar dhe jetojnë në ankth. Pozita e tyre do të duhej të forcohej nëpërmjet lehtësimeve dhe përparësive në shëndetësi, në arsim, në punësim dhe po ashtu edhe nëpërmjet rivitalizimit të kompleksit ‘Trepça’”, tha ai.

Kurti vlerësoi se një aspekt tjetër se ku duhet të angazhohemi në veri është vendosja e nënstacioneve policore të Policisë së Kosovës në lagjet dhe fshatrat të banuara me shqiptarë në veri dhe po ashtu do të duhej që të ndërpritet financimi i strukturave ilegale dhe armiqësore të Serbisë, e njëkohësisht të bëhet edhe arrestimi i krerëve të tyre.

“Jo vetëm për shkak se ata janë kriminelë, por për shkak se janë struktura ilegale dhe armiqësore, të financuara dhe të mbështetura nga Serbia, e cila ka pretendime territoriale ndaj Kosovës”, tha ai.

I pyetur për bisedimet që pritet të nisin me dy shtator në Bruksel, dhe thirrjen e disa ndërkombëtarëve që çështja e veriut të Kosovës duhet të diskutohet në këto bisedime në mes të Prishtinës dhe Beogradit – Kurti vlerëson se, duke i bërë çështjet e brendshme të Kosovës tema të negociatave me Serbinë, rezultati do të jetë afrimi i Serbisë me Bashkimin Evropian dhe afrimi i veriut të Kosovës me Serbinë.

“Këto bisedime menjëherë duhet të ndërpriten dhe duhet që Kosova t’i kthehet vetes si shtet, si shoqëri, në mënyrë që të bëhemi ashtu siç jemi shpallur – pra, të pavarur dhe sovran”.

"Burger King" vjen në Maqedoni

13:16 Rajoni

Interesimi i vendeve të rajonit për tregun e Kosovës shqetëson Beogradin

11:59 Rajoni

Nga Ballkani transportohen 150 tonë heroinë në vit

14:20 Rajoni

Rexhepi: Forcat speciale janë në veri vetëm për stërvitje

13:29 Rajoni

Forcat speciale kosovare hyjnë në veri

12:17 Rajoni

Merkel: Serbia duhet të rinisë dialogun me Kosovën

13:09 Rajoni

EULEX identifikon të dyshuarin për vrasjen e policit kosovar

12:02 Rajoni

Maqedonia në rrezik nga lëvizjet radikale islame

10:57 Rajoni

Dëshmitari Kabashi akuzon Tribunalin se po ndëshkon viktimat dhe jo krimin

12:55 Rajoni

Armatat e internetit në Kosovë

11:00 Rajoni