Blater provokon juventinët: Urime për 28 titujt

“Komplimente për titullin e 28-të, pas 9 vitesh jeni përsëri më të mirët në Serie A”. Këto janë fjalët që presidenti i FIFA-s, Sep Blater, i ka shkruar në letrën e urimit dërguar Juventusit dhe bërë publike nga agjencia “Ansa”.

Duket qartësisht që nëpërmjet këtij urimi, përmbahet edhe një orientim i mirëfilltë i organizmit që drejton futbollin botëror mbi çështjet e hapura nga klubi bardhezi për kthimin dy titujve kampion që iu hoqën nga procesi “Calciopoli”. Ky orientim është më i dukshëm për faktin se kjo letër i drejtohet personalisht presidentit Andrea Anjeli.

“Është kënaqësi e madhe që t’ju përgëzoj për fitoren e titullit të 28-të Kampion i Italisë. Të dielën e kaluar, pas një paraqite të madhe, skuadra e rekordeve e Juventusit ka arritur të sigurojë titullin e 28-të kampion. Një rezultat i madh që me të drejtë ka ngjallur menjëherë gëzim dhe eufori. Kjo pasi pas 9 vitesh, Juventusi ka fituar përsëri titullin e skuadrës më të mirë italiane të Serie A”, shkruhet në letrën e presidentit të FIFA-s.

Mesazhi i Blater ndaj Juventus duket i qartë: nuk do të ketë mbështetje nga FIFA për Anjelin apo drejtuesit e tjerë bardhezinj nëse ata kërkojnë 2 titujt e hequr, pasi ky institucion njeh dhe respektin vetëm vendimet e marra nga Federata Italiane.

Tani pritet reagimi i klubit bardhezi, që ka bërë të qartë se nuk e ka problem të luftojë kundër të gjithë atyre që kërkojnë që Anjeli dhe tifozët të tërhiqen nga kërkesat e tyre, mesazh i vendosur me qartësi në stadiumin e ri, i cili që tani është i dekoruar me 3 yje dhe numrin 30.

Usain Bolt ndahet nga e dashura për t'u përqendruar tek medaljet në olimpiadë

18:21 Sport

Zyrtare, Xhenaro Gatuso dhe Pipo Inzagi largohen nga Milani

17:07 Sport

Terri jashtë Anglisë për Euro 2012?

13:04 Sport

Pirlo: Nga Milani më largoi Alegri, pasi preferoi Van Bomel

12:15 Sport

Shqipëria e fundit edhe për Fair Play

11:12 Sport

Barça, akord me Garet Beil. 40 milionë euro për blerjen e tij

10:40 Sport

Tomazevski trazon Poloninë me deklarata raciste: Në kombëtare dua vetëm polakë të vërtetë

18:26 Sport

Luis Enrike i jep lamtumirën Romës

17:34 Sport

Lamtumirë e hidhur e Sedorf nga Milan, zyrtarizohet edhe largimi i Nestës

17:21 Sport

Van Persi refuzon milionat e Sitit dhe Juven, largohet nga Arsenali vetëm për Realin ose Barcelonën

13:12 Sport