Te fundit
Pacolli synon të imitojë Palestinën
4 Qershor 2012, 10:34Rajoni
TEMA
Behgjet Pacolli ka paralajmëruar se në vjeshtë Kosova mund të aplikojë për anëtarësim në OKB. Por deklaratat e tij kanë nervozuar lobuesit e pavarësisë së Kosovës në Washington dhe New York. Burime nga këto dy qendra amerikane thonë se aplikimi do të ndodhë vetëm kur të jenë votat e sigurta dhe kur të evitohet mundësia që Rusia dhe Kina ta përdorin veton e tyre.
Zëvendëskryeministri Behgjet Pacolli ka vendosur të imitojë shtetin palestinez, kur ka paralajmëruar se në vjeshtën e këtij vitit Kosova mund të aplikojë për anëtarësim në Organizatën e Kombeve të Bashkuara.
Palestina vitin e kaluar ka aplikuar për anëtarësim në këtë institucion, pavarësisht se e dinte se nuk mund të anëtarësohet për shkak të vetos së Shteteve të Bashkuara.
E njëjta mund t’i ndodhë edhe Kosovës nëse aplikon për anëtarësim në OKB, por në këtë rast mund të jetë Federata Ruse apo Kina ato që përdorin veton e tyre.
Kosova deri më tani është njohur nga 91 shtete, por jo të gjitha vendet anëtare me të drejtë vetoje në Këshillin e Sigurimit e njohin shtetin e ri. Madje, Rusia njihet si kundërshtare e fuqishme e shtetit të Kosovës, shkruan “Express”.
Pavarësisht kësaj, Zëvendëskryeministri i Parë, Behgjet Pacolli ka përmendur faktin se shifra prej gati 100 njohjesh e ka mobilizuar diplomacinë e Kosovës të aplikojë për anëtarësim në OKB.
“Pas njohjes nga Çadi, numri i njohjeve të Kosovës po i afrohet shifrës 100 dhe mund t’ju them se shtatorin e ardhshëm diplomacia e Kosovës po përgatitet të aplikojë për anëtarësim në Kombet e Bashkuara”, ka thënë Zëvendëskryeministri Pacolli, për Presheva Jonë, të shtunën.
3 komente në “Pacolli synon të imitojë Palestinën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ky Pacolli eshte prosllav. Kosova duhet te njihet nga 2 te 3 e anetareve te OKB-se qe i bie te jete 128 vende. Keshtu nuk do te kete nevoje per votim, kur dihet se ruset dhe kinezet jane kunder pranimit.
Unë mendoj se Pacolli ka nënshkruar pakt me djallin; kundër shqiptarit dhe kundër njeriut të ndershëm. Punëmarrësit e qëllimeve të tij janë udhëheqësit e të gjitha partive politike nga Prishtina sot.
Shpresoj se jam gabim. Shpresoj me të vërtetë se ky sekser rus është miku i kombit tonë.
ky paret i ka bere me xhambazlliqe jo se vertet ka tru.turp per kosovaret qe i japin vota nje muratori apo wetback qe quhet ne English