Doktori diskuton me Cameron-in rreth rekordeve të tij

Doktori u takua dje me kryeministrin Cameron. Kryeministri britanik e priti i qeshur në zyrë, pasi i kishte hedhur një sy skedës që i kish vënë para sekretarja. U hutua nga CV e Doktorit, por e la në mes leximin se Doktori hyri brenda.

Pasi u përshëndetën, u ulën dhe filloi biseda.

-Po shikoja disa nga rekordet tuaja, i tha Cameron, dhe ishin shumë interesante. Ju qenkeni politikan aktiv qysh në…

-Qysh në kohën e zonjës Theçer. Kryeministrja Theçer ka qenë një mike e madh e popullit shqiptar dhe unë i jam asaj shumë mirënjohës për ndihmën që i ka dhënë vendit tonë…

-Më falni, çfarë ndihme i ka dhënë, tha Cameron, i befasuar dhe i gëzuar.

-Ka përshëndetë rrëzimin e komunizmit dhe ardhjen në pushtet të Partisë Demokratike, i tha Doktori. Por kam pas marrëdhënie të shkëlqyera dhe me kryeministrin Mejxhër. Ka qenë një mik i madh i popullit tonë. Pastaj erdhi kryeministri Bler dhe ndihma e tij për Kosovën ka qenë e paçmuar. Gruaja e tij dhe gruaja ime kanë një veprimtari të përbashkët në ndihmë të fëmijëve në nevojë dhe shpeshherë shkojnë bashkë në vendet e Lindjes së Mesme.

-Kujdes, i tha Cameron, se këtu në Angli nuk flasin mirë për të, shpesh e akuzojnë dhe për abuzime me fondet. Meqë gruaja juaj qenka korrekte, i thoni të bëjë kujdes.

-Janë shpifje, ajo është zonjë e nderueme dhe i është gjendë pranë grues sime në çdo kohë.

-Dakord, e mora vesh që ju i njihni gjithë kryeministrat anglezë, u tha Cameron. Unë kam qenë fëmijë kur Theçer ka drejtu Anglinë. Ju paskeni mbijetuar gjatë. Më thanë se keni ardhur në Londër për Lojërat Olimpike. A keni ndonjë lidhje personale me to?

-Kam ardhë të mbështes ekipin tonë, një ekip i shkëlqyer, që do t’i japë Shqipërisë një imazh të shkëlqyer në 100 vjetorin e pavarësisë…

-Ah, po, tha Cameron, më thanë që pati probleme njëri me drogë, por e kthyen. Shpresoj mos të ketë më. Nuk ishte lajm i mirë.

-Ishte një aksident, por do ta kalojmë, i tha Doktori.

-Unë vetë s’i kam shumë qejf sportet olimpike, i tha Cameron, por s’guxoj ta them në publik se humbet pikë. Ju si i kini raportet tuaja me sportin?

-Të shkëlqyeme. Tani ta them unë ty një sekret, por mos ia thuaj njeriut se nuk dua të eklipsoj ekipin kombëtar. Unë or zotëri kam fillu me mësu not në vitin 2007 dhe prej atëherë deri më sot kam thyer rekordin duke qëndruar në ujë 2 orë e 7 minuta. Këtë të dielë shpresoj ta bëj 2 orë e 15 minuta. Do të jetë një rekord historik për 100 vjetorin e pavarësisë. Në këto 100 vjet jam i vetmi kryeministër që kam qëndruar dy orë e 7 minuta në ujë.

-Qenka një rekord origjinal, i tha Cameron, por nëse ja them sekretares, më shumë i bën përshtypje fakti që ke 20 vjet në pushtet se sa 2 orë në ujë.

Doktorin e ngatërrojnë me mjekun e ekipit shqiptar

22:34 Antena

Flamuri heton policin që i ka thënë Doktorit “kërriç”

19:34 Antena

Flamuri nis betejën kundër zhurmave në Tiranë

21:59 Antena

Dialogje dhe polemika në ceremoninë e Nishanit

22:17 Antena

Flamuri sqarohet për ftesat e iftarit

21:29 Antena

Flamuri zbulon sekretin pse nuk do ketë të shtëna topi tek ceremonia e Presidentit

19:32 Antena

Flamuri pranon dorëheqjen e Nishanliut nga PD-ja

20:03 Antena

Baba Mondi fiton bastin me Arvizunë

20:58 Antena

Ferdinand Xhaferi i shkruan Petrit Vasilit: Mos më vidh idetë!

19:40 Antena

Flamuri, në makth nga vlerësimet e Doktorit për gratë

20:03 Antena