Te fundit
Me paratë e filmit producenti ndërron marshin e veturës
6 Nëntor 2012, 11:17Rajoni
TEMA
Gjatë “Ndjekjes së Larës”, Nehat Fejzës i është prishur marshi i Mercedesit. Nuk e ka lënë gjatë rregullimin e tij. Ka dërguar veturën tek autoservisi “Mercedes – Benz” në Bardhosh. 1.600 euro i ka kushtuar ndërruesi automatik i shpejtësive të veturës, si dhe puna e mekanikut.
Fatura për ndreqjen e veturës gjendet në mesin e dhjetëra të tjerave në dosjen penale kundër Fejzës, kolegut te tij, Armond Morina, si dhe dy ish-ministrave të Kulturës, Astrit Haraqija dhe Valton Beqiri. Të katërtët, të hënën, janë ulur afër njëri-tjetrit në një kanape të Gjykatës së Qarkut të Prishtinës. Pavarësisht faturave që cilësohen jorelevante nga Prokuroria dhe pa kurrfarë lidhje me prodhimin e filmave, të katërt dukeshin të qetë, shkruan Koha Ditore.
Armond Morina në qoshe i veshur me stil si gjithmonë, afër tij Nehat Fejza pak më serioz, pastaj Valton Beqiri e Astrit Haraqija, mbushnin rendin e parë në gjykatë, si të akuzuar për vepra penale: dy ish-ministrat për shpërdorim të detyrës zyrtare ose autorizimit dhe dy producentët për mashtrim.
I akuzuari Nehat Fejza ka shërbyer prokuroren Drita Hajdari me qindra fatura për të arsyetuar buxhetin e ndarë të Ministrisë së Kulturës për prodhimin e një filmi. Ai kishte marrë 188 mijë euro nga shteti për prodhimin e filmit “Power cuts”. Me vonë e kishte titulluar “Ndjekja e Larës”.
Faturat e tij nisin nga 1 euro e lartë. Kafe, raki, pije freskuese, pica, qebapë, internet, kartela telefonike, telefon me parapagim, taksi, benzinë, naftë, etj janë disa prej faturave. Madje edhe mobile ka blerë me para të taksapaguesve. 1.824.00 euro ka dorëzuar faturë të një shtëpie të mobileve.
“Ushqim për film” në vlerë prej 17.70 euro quhet një faturë e një restoranti. Mbi 600 euro ushqim e pije ka prezantuar ai. Telefon, simkartela, pajisje kompjuterike, internet rreth 1.500 euro. Hotele, karburante e taksi rreth 3.000.
3 komente në “Me paratë e filmit producenti ndërron marshin e veturës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Here tjeter mendohuni 2 here para se te shani Republiken e Kosoves te dashur bashkeatdhetare. Shqiperia eshte shnderruar ne republike bananesh, Kosova duket se po ecen me para drejt endrres europiane.
Kush zyrtar apo ish-zyrtar i larte ka shkuar para drejtesise per korrupsion perjashto gjyqin turperues te Ilir Metes? Madje ky alabaku as nuk u paraqit ndonjehere ne sallen e gjyqit.
Duhet te lutemi te na pushtoje Kosova!
Tento si shqiptar të krijosh një veprimtari të ndershme në Kosovë dhe do të vëresh se ministrat nga partitë e betuara në pushtet të kombit tonë (VV, AAK, LDK, PDK) menjëherë e kërkojnë pjesën e tyre të fitimit.
Si të liruar nga burgjet serbe me kusht, këta besojnë se kanë të drejtë të plotë të na poshtërojnë neve si komb.