Red Bull sulmon Fernando Alonson

Kampionati i vitit 2013 në Formula 1 nuk ka filluar ende, pasi skuadrat as që kanë prezantuar makinat e tyre zyrtare. Por kjo nuk ka ndalur debatet mes skuadrave, ku dje radhën e kishte Red Bull që ka sulmuar Fernando Alonson, duke lavdëruar Sebastian Vetel.

“Vetel është një fenomen, ka qenë gjithmonë i tillë”, tha Helmut Marko, një nga këshilltarët e skuadrës që u shpall kampione bote në sezonin  kaluar. “Pas pushimit të verës, rendimenti i tij pëson një rrjitje të ndjeshme. Ndërsa Alonso është më shumë i impenjuar me politikën dhe komentet argëtuese. Mendoj se në fund të sezonit, stresi i tij ishte shumë i dukshëm”.

Këto fjalë janë publikuar në “Red Bulletin”, revistën zyrtare mujore dhe Marko ka marrë shkas pikërisht nga komentet që bëri në sezonin e fundit piloti i Ferrarit, që humbi titullin ndaj Vetel në garat e fundit të sezonit.

“Frazat e Alonsos si “rivali im është Hemilton e jo Vetel”, apo “kundërshtari im është Njuei”, janë vetëm pjesë e një lufte psikologjike”, tha ai, duke lavdëruar punën e jashtëzakonshme që bën Vetel edhe jashtë pistës.

“Pas pushimit, përmirësohet gjithmonë. Kështu ka qenë edhe në vitet e kaluara, nuk e di si ia bën, por nuk mund të jetë një rastësi. Gjithçka ka lidhje më mënyrën se si punon, se si izolohet nga pjesa tjetër e botës. Ai ka energji rezervë që pilotët e tjerë nuk i kanë”.

“Thuhen shumë idiotësi rreth tij, si për shembull se nuk është në gjendje të bëjë parakalime. Atëherë nuk keni parë garat e Abu Dabi dhe Brazilit! Ose thuhet edhe se fiton vetëm falë makinës së projektuar nga Njuei. Meqë ne kemi dy makina të projektuara prej Adrian në garë, pse nuk fitojmë gjithmonë dy vendet e para në garë?”, ishte komenti i Marko, që pritet shumë shpejt të marrë një kundërpërgjigje nga Ferrari./lajmeshqip

Benitez: Erdhi koha që Çelsi t’i thotë lamtumirë legjendave

13:15 Sport

Raiola zbërthen merkaton: Lëvizin Ronaldo, Falkao e Kavani

13:14 Sport

Seks me vajzën 14-vjeçare që e njohu në Facebook, futbollisti në telashe

21:01 Sport

Mateus kritikon përzgjedhjen e formacionit të vitit: E papranueshme të jenë vetëm nga kampionati spanjoll

19:22 Sport

Lojtari i Bolton, i sëmurë nga Twitter e Facebook

19:21 Sport

Gënjeshtra e Murinjos për ceremoninë në Zyrih

18:06 Sport

Manchester United kërkon Lampard

14:28 Sport

De Biasi votoi Mesin, Cana për Ronaldon

11:36 Sport

Berluskoni: Baloteli do të ishte një “mollë e kalbur”

11:35 Sport

Lionel Mesi hyn në histori, fiton “Topin e Artë” për të 4-ën herë radhazi

21:05 Sport