Te fundit
De Biasi votoi Mesin, Cana për Ronaldon
8 Janar 2013, 11:36Sport
TEMA
Trajneri i përfaqësueses shqiptare të futbollit, Xhani De Biasi, ka përzgjedhur Lionel Mesin si të preferuarin e tij në votimet për “Topin e Artë”, duke i dhënë argjentinasit 5 pikët e vendit të parë.
Tekniku i përfaqësueses kuqezi, më pas ka dhënë 3 pikët e vendit të dytë për portugezin Kristiano Ronaldo, ndërsa nuk ka arritur të parashikojë saktësisht të tretin, edhe pse vota e tij ka qenë për një mesfushor spanjoll të Barcelonës. Në fakt, De Biasi i ka dhënë votën e vendit të tretë mesfushorit Ksavi Hernandez, i cili përfundoi i katërti në këtë votim, pas Andres Iniesta që plotësoi podiumin.
Ndërkohë, Lorik Cana, me votimin e tij si kapiten i përfaqësueses, ka rritur të gjejë të tre finalistët, ndonëse ka gabuar disi radhën. Votat për vendin e parë ai ia ka dhënë Kristiano Ronaldos, me të cilin është ndeshur si kundërshtar në ndeshjet historike kundër Portugalisë në eliminatoret e Botërorit 2010. Vendi i dytë i ka shkuar Lionel Mesit, ndërsa vendi i tretë ka qenë për Andres Iniesta.
Edhe përfaqësuesi shqiptar i medias në këto votime, gazetari Besnik Dizdari, ka gjetur treshen finaliste, por pas Mesit, në vendin e dytë ka vendosur preferencën për Iniesta, ndërsa ka përzgjedhur të tretin Kristiano Ronaldon.
Interesante janë përzgjedhjet e De Biasit dhe Canës përsa i përket votimit për trajnerin më të mirë, pasi të dy kanë preferuar që të bazohen te futbolli i klubeve dhe jo te futbolli i kombëtareve, ndonëse gjatë vitit 2012 u zhvillua Kampionati Evropiani.
De Biasi ka zgjedhur bashkëkombësin e tij, Roberto Di Mateo në vendin e parë, duke vlerësuar punën që bëri me Çelsin, duke fituar Ligën e Kampioneve. Pas tij ai votoi për Jup Heinkes të Bajern Mynih, tjetër finalist i Ligës së Kampioneve në edicionin e kaluar dhe vendin e tretë ia dha Pep Guardiolës.
Ndërsa Cana ka përzgjedhur trajnerin e Borusia Dortmund, Jurgen Klop, në vendin e parë, me Zhoze Murinjon në vendin e dytë dhe Roberto Di Mateon në vendin e tretë.
I vetmi që ka votuar për fituesin e këtij edicioni ishte gazetari Dizdari, i cili në vend të parë ka vënë Vicente Del Boske, të ndjekur nga Roberto Di Mateo dhe Çezare Prandeli.
2 komente në “De Biasi votoi Mesin, Cana për Ronaldon”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Njerezit duan me shume ata qe ngjasin me shume. Cana luan vetem me force dhe teknike nuk ka fare. Ronaldo perdor shkeputjet por ka dhe teknike. Kete vit ai e humbi prej Mourinjos qe percau Realin pasi deri ne qershor Ronaldo ishte ne avantazh. Me vjen keq per Canen qe ka rene kaq shume. Une e shikoj Lacion vetem po luajti Cana. Nuk me vjen mire qe ka humbur dhe sigurine. Gjithe kohen u tregon te tjereve ku duhet ta pasojne topin shenje pasigurie kjo. Per Messin nuk flas. Ai mrekullon te gjithe.
Rruget ne vendin tone qe thuaj jane ktrfsatoae po keni te drejte por nuk flasim per te gjithe vendin tone se rruget e Maqedonise ne pergjithesi kane nevoje per rindertim vetem neper vendet te banuara me Shqiptare ne Maqedonine perendimore se i kam vizituar personalisht qytetet te banuara me kaurre udhet i kane fare te reja,vetem rruget e vendbanimeve me shqiptare jane me arna permbi arna dhe te demtuara.