Berluskoni: Baloteli do të ishte një “mollë e kalbur”

Presidenti i Milanit, Silvio Berluskoni, ka vendosur veton përfundimtare rreth temës së blerjes apo huazimit të Mario Balotelit nga radhët e Mançester Sitit. Sulmuesi mendohej se ndiqej me vëmendje nga kuqezinjtë, por tashmë presidenti i kësaj skuadra ka dhënë opinionin e tij negativ për lojtarin, edhe pse pak kohë më parë ishte pikërisht ai që kishte nisur të gjitha zërat për realizimin e një transferimi të mundshëm.

“Nëse vendoset një mollë e kalbur në dhomat e zhveshjeve, mund të infektojë të gjithë të tjerët. Ai është një person të cilin nuk do ta pranoja kurrë që të bëhej pjesë e skuadrës së Milanit”, ishin fjalët e Berluskonit për sulmuesin italian.

Ai ka vazhduar duke zbuluar se ka një akord parimor me Pato për kthimin tij te Milani, më shpejt sesa mund të mendohet.

“Një seri dëmtimesh ka krijuar një distancë mes tij dhe pjesës tjetër të skuadrës në Milanelo. Akordi mes nesh ishte që ai shkon në Brazil, qëndron një vit, një vit e gjysmë, e pastaj kthehet te Milani. Kjo është gjëja që më ka thënë kur më përqafoi për herën e fundit që u takuam bashkë në Arkore”, tha ai për brazilianin, që është njëkohësisht edhe i dashuri i vajzës së tij, Barbara.

Në fund, ai ka folur edhe për strategjinë që klubi ka vendosur të ndjekë në vijim. “Do të investojmë te të rinjtë. Nuk do të blejmë lojtarë që janë mbi 21 vjeç”, tha ai.

Lionel Mesi hyn në histori, fiton “Topin e Artë” për të 4-ën herë radhazi

21:05 Sport

Vicente Del Boske, “Trajneri i Vitit 2012”

20:55 Sport

“Formacioni i Vitit 2012” pushtohet nga Reali dhe Barça

20:43 Sport

Ishte Zeniti skuadra që ofroi 55 milion euro për Kavanin

13:34 Sport

Murinjo: Më vërshëlleni mua, por jo skuadrën

13:32 Sport

Milan-Blater, polemika për gjestin e Boateng

11:57 Sport

Konte: Nuk jemi marsianë

11:34 Sport

Berisha, një dopietë që nuk vlen

15:48 Sport

Ferguson s’ka më fjalë për Van Persin

15:06 Sport

Zola: Baloteli, telash që ia vlen ta kesh

15:05 Sport