Te fundit
Vilanova, trajneri “virtual” i Barcelonës
18 Shkurt 2013, 19:51Sport
TEMA
Çdo dashamirës i lojërave kompjuterike do të dëshironte të ishte aktualisht në vendin e Tito Vilanovës, i cili praktikisht po drejton Barcelonën si në një lojë të tillë nga distanca. Trajneri gjendet në Nju Jork pasi po kurohet pas një operacioni për heqjen e një tumori, por vazhdon të jetë ai që drejton çdo stërvitje të ekipit, jep çdo skemë taktike në stërvitje dhe çdo zëvendësim gjatë ndeshjeve. Si ia bën? Duke e kthyer klubin katalanas në një lloj të veçantë shtëpie të madhe të “Big Brother”.
Pas seancave të radioterapisë dhe kimioterapisë të paradites, Vilanova pasdite ulet qetësisht para kompjuterit dhe drejton Barcelonën, si të ishte në një lojë. “Ciutat Esportiva” është përshtatur për kërkesat e trajnerit, pasi janë vënë telekamera në çdo cep të fushave stërvitore dhe palestrave, në mënyrë që ai të ndjekë rregullisht çdo sekondë të stërvitjes. Nëse nuk është para kompjuterit në ato momente, disa pjesëtarë të ekipit bëjnë një përmbledhje prej 70-80 minutash të stërvitjes, duke ia dërguar atij videot nëpërmjet internetit në mënyrë që të inspektojë gjithçka më vonë.
Më pas, nëpërmjet Skype, trajneri jep udhëzimet tekniko-taktike për të gjithë skuadrën, vendime që nuk kundërshtohen nga askush pasi klubi ka bërë të qartë që Vilanova mbetet trajner i parë dhe i paprekshëm, pavarësisht distancës.
Edhe në ndeshje, Vilanova është “online” dhe jep udhëzime për Hordi Roura që ulet në pankinë në vend të tij, këtë radhë nëpërmjet aplikacionit “Whatsapp” që gjendet në celularin e posaçëm që mban stafi i katalanasve. Udhëzimet, skemat dhe zëvendësimet vijnë në mënyrë virtuale nga ana tjetër e botës, si të ishte një lojë e mirëfilltë elektronike. Nuk e kanë shumë gabim ata persona që kur luan Barcelona, thonë se kjo skuadër vepron sikur ta drejtonte dikush nga kompjuteri…/lajmeshqip
2 komente në “Vilanova, trajneri “virtual” i Barcelonës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Shumë e vështirë të drejtosh skuadrën nga ekrani i televizorit ose celularit, kur nuk ke gjithe hapsirën e fushës perballe dhe nuk i shikon të gjtha levizjet e lojtarëve ne fushë për të percaktuar taktikën! Ky është snobizëm për marketing i cili më teper e demton skuadrën se sa e ndihmon! Se dyti mungon kontakti “live” njerëzor me lojtarët, i cili eshtë nje nga më të rendesishmit në drejtimin e skuadrës!
Vetaran
Ke te drejte.Marketing.