Roben, i pakënaqur te Bajerni

Arjen Roben ka bërë të qartë se ka ende dyshime mbi faktin pse ai nuk është më titullar, duke vënë në diskutim zgjedhjet e trajnerit të Bajern Mynih, Jup Heinkes.

Ky i fundit ka zgjedhur që në ndeshjet e fundit të aktivizojë treshen e mesfushorëve ofensivë Riberi-Kros-Myler, duke bërë që Roben të përfundonte rregullisht në pankinë, për të rritur pakënaqësinë e holandezit. Kjo situatë pritet të përsëritet edhe në ndeshjen e Ligës së Kampioneve ndaj Arsenalit në mesjavë.

“Jam në stol, është shumë zhgënjyese. Nuk kam se si të them se jam i kënaqur”, tha holandezi pas fitores 2-0 me Volfsburgun ku ai u aktivizua si zëvendësues dhe shënoi golin e dytë për skuadrën e tij. “Por kur hyj në fushën e lojës, unë jap gjithçka për skuadrën”.

“Ndeshja me Arsenalin është një përballje gjigande, nuk shoh asnjë arsye pse nuk duhet të luaj”, tha ai.

Por deklaratat e Roben nuk e shqetësojnë aspak Heinkes, i cili ka bërë të qartë se do të vazhdojë të respektojë mendimet e tij pa u influencuar.

“Është normale për lojtarët që të zhgënjehen kur nuk luajnë. Arjen është një person që e tregon një gjë të tillë. Por mua nuk më shqetëson aspak”, deklaroi trajneri që do t’i japë lamtumirën bavarezëve në fund të këtij sezoni për t’i lënë vendin Pep Guardiolës./lajmeshqip

Flamini: Pika e dobët e Barçës është Fabregas

15:05 Sport

Nisin problemet e para te PSZH

15:44 Sport

Tifozët e Arsenalit kërkojnë largimin e Venger

15:42 Sport

Berisha shënon golin e 12-të për të ringjallur Brisbein

15:41 Sport

Bajern-Real, duel milionash për Garet Beil

16:43 Sport

Sedorf: E padrejtë të krahasosh Neimar me Mesin e Ronaldon

15:03 Sport

FIFA bën gati “pasaportën biologjike”

15:02 Sport

Çelsi hedh sytë nga Manuel Pelegrini

15:01 Sport

Mançini: Po u shkarkova unë, në Angli duhet të ikin të gjithë

19:04 Sport

Venger: Nëse mundim Bajernin, mund të fitojmë Champions

17:55 Sport