De Biazi: Ndaj Bjellorusisë bëmë shumë gabime, por nuk është ky formacioni i eliminatoreve

Pas barazimit në miqësoren kundër Bjellorusisë ka folur trajneri i Kombëtares, Xhani De Biazi.

Në një intervistë për “Supersport”, ai  ka lavdëruara debutuesin Lenjani, derisa ka thënë se ka akoma punë për të bërë dhe se ky formacion i paraqitur kundër Bjellorusisë nuk është formacioni startues i eliminatoreve.

Ishte ndeshja e parë e një fillimi të ri, por ka sërish probleme të vjetra. Si e vlerësoni ndeshjen miqësore ndaj Bjellorusisë?
Ishte e vështirë për ne, pasi kishim një skuadër relativisht të re dhe disa futbollistë të rinj, që luanin për herë të parë së bashku. Bëmë disa teste për të punuar për të ardhmen. Jam i kënaqur, megjithëse në pjesën e parë duhet të ishim më të kujdesshëm në zbritjet e shpejta të kundërshtarit.

Duke parë këtë ndeshje, duhet thënë se pak gjëra na kënaqën gjatë saj…
Në këtë ndeshje nuk ka shumë gjëra për t’u kënaqur. Ne duhet të luajmë më shumë me njëri-tjetrin, se sa në mënyrë individuale. Kujtoj që gabuam disa herë gjatë pjesës së parë.

Çfarë ka për të shpëtuar nga kjo përballje?
Për t’u shpëtuar është debutimi i Lenjanit me Kombëtaren shqiptare. Megjithatë, duhet të mendojmë për të ardhmen dhe të punojmë shumë në këtë aspekt.

Në ndeshjen e fundit me Zvicrën në Tiranë ju thatë një fjali “mjaft më me eksperimente, tani bëjmë një skuadër dhe punojmë me të”…
Ky nuk është formacioni që do të luajë pas dhjetë muajsh. Sigurisht, ne duhet të punojmë për të krijuar një skuadër për dhjetë muaj dhe më pas të luajmë me të. Nuk duhet të harrojmë gjithashtu që ekipi kishte disa mungesa të rëndësishme, siç është ndër të tjera edhe Mërgim Mavraj.

Sa më shpejt duhet të zgjidhni se cila do të jetë përbërja e skuadrës për eliminatoret e ardhshme. Tashmë duhet të mendojmë për formacionin dhe grupin që të ndërtojmë një ekip sa më real…
Duhet të improvizojmë dhe të llogarisim edhe faktin që kemi disa mungesa. Është një skuadër, së cilës i ndihen realisht mungesat që ka.

Në ndeshjet e fundit është vënë re se ekipit i mungon motivimi nëse nuk ka një objektiv për të arritur. Si mendon De Biazi, si mund të punohet më shumë për ta rritur motivimin dhe për të arritur rezultatet?
Kjo është e vërtetë, por duhet të gjejmë motivimin që kjo skuadër të jetë e tillë në çdo takim. Duhet të gjejmë sërish dëshirën dhe grintën e ndeshjeve më të mira të sezonit të kaluar.

Çfarë do t’u thoni futbollistëve në dhomat e zhveshjes për këtë ndeshje?
Do t’u them që të përmirësohemi në të gjitha pikat e dobëta dhe të jemi më të kujdesshëm në vazhdim.

Igli Tare këmbëngul, do Mavrajn te Lacio

14:54 Sport

Vëllai i Mesit tallet me Kristiano Ronaldon

11:36 Sport

Iniesta: Dikush kërkon që të më largojë nga Barcelona

11:33 Sport

Mbrojtësi serb i Palermos: Babai im ka luftuar në Kosovë, por me Ujkanin shkoj mirë

11:32 Sport

Bajerni të ardhura rekord, Uli Hënes shpërthen në lot

15:59 Sport

Basti për fitoren e Arsenalit, tifozi humbet shtëpinë. Kundërshtari i kishte ofruar gruan

15:25 Sport

Loret Sadiku: Nuk e kam refuzuar kombëtaren

13:54 Sport

Armët kimike përfshijnë edhe sportin, Elbasani kërcënon me braktisjen e kampionatit

13:50 Sport

Armando Sadiku, futbollist i FC Zyrihut që nga janari 2014

15:26 Sport

Lëv: Italia, një ujk që vishet si qengj

14:59 Sport