FSHF kërkon t'u jepet përparësi lojtarëve nga Shqipëria në Kombëtare

Katër trajnerët e ekipet kombëtare (U- 17, U-19, U-21 dhe Kombëtarja A) do duhet të stacionohen më së shumti në të ardhmen e afërt nga të rinjtë që dalin nga Shqipëria, përfshi këtu edhe ata të lindur në Perëndim nga prindër shqiptarë, duke lënë disi mënjanë Kosovën. Kjo është pak a shumë ajo çka është diskutuar mes temave të ndryshme në mbledhjen e zhvilluar ditën e martë në Federatën Shqiptare të Futbollit, e organizuar kjo nga drejtori i zyrës së talenteve, Redi Jupi. Siç dihet, në këtë takim të parë, i cili do të pasojë tryeza të tjera, morën pjesë menaxheri i Kombëtares Alban Bushi, trajneri dhe zëvendëstrajneri i Kombëtares, Xhani de Biazi dhe Paolo Tramexani, trajner i ekipit të Shpresave Skënder Gega, ai i Kombëtares U19 Foto Strakosha dhe i U-17, Xhemal Mustedanagiç.

Sugjerimi

Nga sa bëhet e ditur, një nga problemet ka qenë edhe aktivizimi i lojtarëve kosovarë që luajnë aktualisht në ekipet tona përfaqësuese, ku numrin më të madh e ka skuadra e parë. Nisur nga fakti se Kosova së shpejti do të pranohet nga FIFA dhe UEFA dhe natyrisht do të ketë kombëtaren e vet, teknikut kuqezi, por jo vetëm, i është sugjeruar që të shikojë më shumë “brumë” vendës, kjo me qëllim që në të ardhmen Shqipëria të mos ketë problematikë me një “eksod” të mundshëm të lojtarëve me origjinë kosovare. Edhe pse duhet thënë se një pjesë e mirë e lojtarëve kosovarë, të cilët kanë tashmë pasaporta shqiptare dhe kanë luajtur e luajnë me Shqipërinë, e kanë thënë qartazi në deklaratat e tyre se nuk do të ndryshojnë kombëtare edhe kur Kosova të njihet nga FIFA dhe UEFA, përsëri në federatë duan t’i paraprijnë çdo të papriture të pakëndshme.
Rregulli

Të gjithë lojtarët kosovarë që luajnë aktualisht me kombëtare të tjera (Zvicër, Suedi, Austri, Shqipëri etj.) do kenë mundësi që të zgjedhin, nëse do duan të luajnë për Kosovën, edhe pse kanë luajtur ose luajnë për një kombëtare tjetër. Ky është një rregull i FIFA-s, i cili është aplikuar në të gjitha rastet kur është anëtarësuar një shtet i ri. E njëjta gjë ka ndodhur më parë me të gjitha ish-shtetet nën Bashkimin Sovjetik, apo edhe nën ish-Jugosllavi. Duke qenë se lojtarët kosovarë nuk kanë pasur mundësi që ta zgjedhin ekipin e tyre përfaqësues, pra të origjinës, në momentin kur janë grumbulluar për herë të parë nga një kombëtare tjetër (rasti i të gjithë lojtarëve kosovarë që luajnë për Shqipërinë apo edhe për Zvicrën), pasi shteti i tyre i origjinës nuk njihej nga FIFA, atëherë, direkt pas njohjes ndërkombëtare, ligjërisht atyre u lind e drejta që të ndryshojnë ekip përfaqësues, nëse do dëshirojnë ta bëjnë një gjë të tillë. Natyrisht, FIFA dhe UEFA do lënë një afat të caktuar, ku të gjithë lojtarët me origjinë nga Kosova do kenë mundësi të shprehen ose zgjedhin nëse do qëndrojnë te skuadrat kombëtare ku janë apo do kalojnë te Kosova.
Kosova

Në këtë këndvështrim, teorikisht, edhe kosovarët që luajnë për ekipet përfaqësuese të Shqipërisë do ta kenë këtë mundësi, të cilën natyrisht nuk mundet që t’ua privojë Federata shqiptare. Një fakt të tillë e konfirmoi muajin e shkuar edhe sekretari i Përgjithshëm i Federatës Kosovare të Futbollit, Eroll Salihu, në një intervistë për “Panorama Sport”. “Synimi i Kosovës nuk është dobësimi i Kombëtares shqiptare. Çdo veprim për çdo lojtar do të bëhet në diskutim dhe miratim edhe nga FSHF-ja. Sigurisht, ne do kemi përfaqësuesen tonë dhe do duam që ajo të jetë sa më e fortë. Kështu që nga momenti kur Kosova do hyjë zyrtarisht në FIFA, ne si federatë kemi si detyrim moral, e theksoj, moral, që t’u bëjmë ftesa të gjithë lojtarëve kosovarë kudo në botë, përfshi edhe Shqipërinë, pastaj do jetë në dorën e tyre që të zgjedhin se ku duan të luajnë”, pat thënë ai. Kështu, drejtuesit e Federatës shqiptare, në takimin me trajnerët kuqezinj, i kanë mëshuar më shumë idesë së afrimit të lojtarëve nga Shqipëria, për të evituar ndonjë problematikë në të ardhmen. Këtë ia kanë sugjeruar më së shumti De Biazit, duke qenë se italiani ka afruar më shumë se 10 lojtarë me origjinë kosovare gjatë dy viteve të fundit.

Kosovarë që luajnë në kombëtaret shqiptare

KOMBËTARJA A
Lorik Cana
Armend Dallku
Debatik Curri
Samir Ujkani
Ahmed Januzi
Mërgim Mavraj
Etrit Berisha
Besart Berisha
Burim Kukeli
Alban Meha
Amir Abrashi
Migjen Basha
Vullnet Basha
Azdren Llullaku
Ilir Berisha
Loret Sadiku
Shkëlzen Gashi
Ermir Lenjani
Valdet Rama
Agon Mehmeti
SHPRESAT (U-21)
Valentin Gjokaj
Herolind Shala
Leonit Abazi
Valon Ahmedi
Enis Gavazaj
Imran Bunjaku
Arbnor Fejzullahu
Agonit Sallaj
Mërgim Bajraktari
Leotrim Gashi
Gjelbrim Taipi
Shpend Matoshi
Haxhi Neziraj
Amir Rrahmani
KOMBËTARJA U19
Lorik Aliu
Faton Ademi
Almedin Murati
Berat Beqiri
Fabian Lokaj
Fatlum Ramadani
KOMBËTARJA U-17
Dren Feka
Herolind Gjoshi
Ardit Humolli
David Domgjoni
Endrit Grainçan
Visar Bekaj
Agim Zeka

Januzaj “driblon” sërish, nuk i përgjigjet ftesës për takim

14:21 Sport

Prandeli i hap dyert Totit dhe snobon Antonio Kasanon

15:38 Sport

Joakim Lëv refuzon të votojë për Topin e Artë: Nuk mund të jem i paanshëm

14:35 Sport

Ronaldinjo: Ronaldo, i frustuar që jeton në kohën e Mesit

14:23 Sport

Kristiano Ronaldo: Platini më provokoi, mund ta bojkotoj Topin e Artë

14:20 Sport

Platini: Lionel Mesi nuk e meritonte Topin e Artë më 2010-n

15:40 Sport

Mesi, lojtari më i mirë në La Liga. Ronaldo më i vlefshmi

14:57 Sport

Zyrtare, Arturo Vidal rinovon me Juven deri më 2017-n

14:54 Sport

Berg: Januzaj, njësoj si Mesut Ozil

14:51 Sport

Arsen Venger kundër Topit të Artë

15:49 Sport