Te fundit
Roben: Nuk kam thënë se Ronaldo e meriton Topin e Artë, shpresoj ta fitoj Riberi
20 Dhjetor 2013, 14:55Sport
TEMA
Mesfushori holandez i Bajern Mynih, Arjen Roben ka hedhur poshtë një deklaratë të publikuar në Voetbal International, sipas së cilës ai kishte thënë se Kristiano Ronaldo e meriton Topin e Artë.
Roben është shprehur se nuk e ka thënë kurrë këtë gjë dhe se dëshiron me gjithë zemër që Topin e Artë ta fitojë shoku i tij i skuadrës, Frenk Riberi.
“Unë kurrë nuk kam thënë se Kristiano Ronaldo e meriton Topin e Artë. Unë shpresoj me gjithë zemër që Riberi ta fitojë atë. Kjo është e qartë. Ai e meriton këtë.
Unë kam thënë se është çmenduri se si Reali është kaq i varur prej Ronaldos dhe se si ai shënon kaq shumë gola. Ata janë dy futbollistë të mrekullueshëm dhe shpresoj se Riberi do ta fitojë Topin e Artë”, ka deklaruar Roben për Bild.
Roben dhe Riberi nuk njihen për një miqësi të fortë mes tyre, pasi disa herë kanë pasur përplasje, madje edhe duke u gjuajtur me njëri-tjeterin. Për këtë arsye, deklarata e tij në favor të Ronaldos u mor si e mirëqënë.
1 komente në “Roben: Nuk kam thënë se Ronaldo e meriton Topin e Artë, shpresoj ta fitoj Riberi”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Atehere kjo tregon se une moj ARGITA ,kam te drejte ,se edhe ARJEN ROBEN ,mendon si mua .
Natyrisht qe ARJEN ben modestin ne kete rast dhe Modestia e tij nuk le vend per as me te voglin Ekuivok !