Te fundit
Kunati, konsultë për tritolin e Milotit
4 Janar 2014, 21:04Antena
TEMA
Kunatit i erdhi papritur sulmi mbi shtyllën e interkonjeksionit në Milot. Çudia më e madhe ishte se sa të informuar ishin ata që kishin vënë dinamitin, pasi merrnin vesh nga taksat dhe nga rritja e çmimit të naftës.
Shkoi qysh në mëngjes tek zyra e tij në Bashki dhe donte të pyeste si është puna.
Thirri gocën e tezes, që e ka shefe personeli, dhe kërkoi t’i sillnin në zyrë disa demokratë të vjetër.
Pas gjysmë ore, goca e tezes i çoi katër vetë.
-Këta kena demokratët më të vjetër, i tha.
-Sa vjet keni me PD, u tha Kunati.
-Kena nga 2005-a, i tha i pari.
-Nga 2005-a jam vetë, i tha Kunati, s’më hyn në punë.
-Unë jam nga 2003, po kam qenë ilegal dy vjet, i tha tjetri.
-As ti s’më duhesh, i tha Kunati. Du ndonjë që ka qenë nga ‘91-shi.
-S’ka mo nga ata shef, kanë vdekë, i tha tjetri.
-Po ndonjë që mban mend vitin 2000, 2001, kur hidheshin shtylla në erë?
-A, s’e di se kena qenë në punë shteti atëherë, tha i fundit. Po çfarë të duhet se pyesim na? Kena shokë plot që kanë qenë prej ‘91-shit me PD.
Kunati i përcolli dhe thirri sekretaren e PD-së.
-Shif mos ka noj demokrat të vjetër në oborr, i tha, se më duhet në zyrë.
-Kujt i thu demokrat i vjetër ti, i tha sekretarja.
-Po me qenë nga fillimi.
-Nga fillimi vetëm Doktori ka mbetë, ai është tek kulla e Bashkimit.
-Jo moj Doktori, por ndonjë militant.
-Nuk rrinë këtu më, tha sekretarja, shkojnë tek ndërtesa vjetër. Po të çoj rojën e parkingut. Është i vetmi që ka mbetë.
E priti Kunati rojën e parkingut.
-Du me ditë si funksiononte kjo puna që hidheshin shtyllat në erë. I thërriste Doktori dhe u jepte porosi, apo i hidhnin vetë ata dhe raportonin tek Doktori? Jemi në siklet se nuk do Luli me pyetë Doktorin, i tha Kunati.
-S’ka problem me jahu, ta sqaroj unë, i tha roja. Me sa maj mend unë, ata të Laçit vijshin në Tironë, vidhshin noj makinë, i ndiqte polica dhe hynin në parking të PD-së, aty ku isha unë roje. I njifsha unë, e hapja trarin pa u afru. Kur hyjshin aty, thoshin policët në radio ‘hynë në ambasadë’. Meqë vonoheshin aty, ngjiteshin lart tek Doktori e për ta justifiku i thoshin se kanë ardhë me hudhë i shtyllë në erë. Doktori thoshte ‘nuk dua viktima’ dhe ikshin ata.
-Po tani ku shkojnë, tha Kunati, se nuk i kam pa tek parkingu.
-Ndoshta shkojnë tek ndërtesa e vjetër, ia ktheu një nga demokratët. Janë mësu atje ata.
-Luli është në siklet ça të bëjë, tha Kunati, t’i dënojë si akte terroriste apo të heshtë?
-Të heshtë mo jahu, si t’i dënojë çunat? Ata kanë sakrifiku, kanë hudhë shtyllën, si me i dënu Luli?!
-Po ai ka siklet se mos del Doktori dhe i mbro?
-Po të dalë mo jahu, si mos të dalë, pse, vetëm ka me i lënë çunat a si?
-Po Luli ka frikë se i bërtasin ndërkombëtarët, i thonë kriminelë.
-Po le t’i thonë mo jahu, kush pyet për ata?!
-Pra ju thoni që Luli të heshtë pa le të bëjë ça të dojë Doktori?
-Po të heshtë mo burrë se nuk e dinë fare ata që Luli osht kryetar. Ça i duhet Lulit me u përzje? Ata dinë Doktorin akoma. Ai e zgjidh këtë punë.
4 komente në “Kunati, konsultë për tritolin e Milotit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Sali tritoli
Nga Vucidoli,
Luli Llastica
Nga Drenica!
http://goo.gl/lPJFS2
O HO HOH OH HO HOH HOH OH
A HA HA HA HA HA HA HA
UNE DO E MARR NUSEN DRENICARE
23 vjete ne pushtet,
hengra si hajdut por edhe si mbret.
ce tashe ne opozit ketu n´kryeqytet,
ni zot e di, s´di ku jam as vet.
Mero je fantastik si gjithmone. Edhe ne varr nuk do e lesh te qete plakun Mere, do ti behesh fantazem . Te uroj shendet.