Te fundit
Kunati nis muajin e bezdisshëm të përvjetorëve të PD-së
5 Janar 2014, 19:03Antena
TEMA
Kunati më në fund konstatoi se janari është muaji më i bezdisshëm për të qenë kryetar i PD-së. Duhet shkuar në çdo qytet të Shqipërisë për të festuar themelimin e PD-së. Dhe, gjithë barra kryesore e punës i bie Kunatit.
E para, ai duhet të gjejë nismëtarët e themelimit, që në përgjithësi nuk janë më në PD.
E dyta, ata që janë në PD nga nismëtaret, nuk janë me Lulin.
Dhe, e treta, çfarë është më e keqja, nuk gjen dot njeri të konsultohet se çfarë duhet të thote Luli në këto ceremoni!
Kështu i ndodhi me përvjetorin e Kukësit. Po kërkonin nismëtarët, por s’po i gjenin. Kunati u detyrua të thërrasë Flamurin.
-Më kërkoi Luli të di kush janë nismëtarët e PD-së në Kukës, i tha. Po deshe na ndihmo!
-Se mbaj mend, tha Flamuri, se ne atë kohë unë isha arratisur në Kosovë dhe nuk e di ça ka ndodhur.
-Po kë mund të pyesim, tha Kunati?
-Se di, se është bërë ca rrëmujë, i tha Flamuri. Ata që e kanë themeluar janë larguar. Tani janë larguar dhe ata që erdhën pas themeluesve. Kështu që nuk gjeni dot më njeri.
-A është korrekte të thote Luli, që Kukësi ishte bastioni i parë i PD-së në veri, tha Kunati?
-S’di ça me të thënë, i tha Flamuri, por nuk është se kishte shumë njerëz me PD-në atëherë.
-E kuptova, i tha Kunati. Ke merak mos i ngelet hatri Tropojës.
-Jo, jo, i tha Flamuri. Për Tropojën, Kukësi ishte më demokrat, se Tropoja e priti me antimiting Doktorin. Por, nismëtarët nuk i mbaj mend.
-Si ka mundësi, tha Kunati? Pse, kaq keq paska qenë situata dhe në veri?!
U nda me Flamurin dhe shkoi tek zyra e Lulit.
-Qenka punë dreqi, tha. Nuk po gjejmë dot se kush janë themeluesit në Kukës. Flamuri thotë nuk janë më as ata që zbuan themeluesit.
-Po çfarë më sugjeron të bëj, i tha Luli?
-Më mirë thuaj ca fjalë të përgjithshme dhe të bëj thirrje për bashkim. Pas kësaj ata do vijnë vetë dhe prezantohen. Dikush do të thotë jemi themelues. Ti i mban emrin shënim dhe ma jep mua. Pastaj do vijnë të dytët, do thonë ne ishim shokët e Fatos Hoxhës, po na përjashtuan. I mban emrin shënim. Pastaj do vijnë të tjerë, do thonë ishim shokët e Hasanit. I mban emrin shënim dhe ti mi jep mua. Në fund do të vijnë të të thonë jemi shokët e Flamurit, sikur po na rrini ftohtë. Ti u fut një të buzëqeshur dhe ja ku u bashkuam.
-Mirë, ashtu do bëj, tha Luli. Kështu kemi dhe mundësi të prezantohemi me njerëzit. Po në rrethet e tjera, si është situata?
-Njësoj është, tha Kunati. Themelues nuk ka më. As pasardhës të tyre. Janë vetëm këta të fundit, që kanë frikë mos i përjashtojmë ne. Kanë hapur fjalë gjithandej që qeverinë e morën tepelenasit përmes Ramës, opozitën e morën tepelenasit përmes Kunatit.
3 komente në “Kunati nis muajin e bezdisshëm të përvjetorëve të PD-së”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
hahahahaha, fantastike fare fare, bravo Mero.
AHA HA HA,
E FORT KJO BATUT:
“…-Qenka punë dreqi, tha. Nuk po gjejmë dot se kush janë themeluesit në Kukës. Flamuri thotë nuk janë më as ata që zbuan themeluesit….
http://goo.gl/3U6RU4
Une po dyshoj se Luli nuk do arrij dote ase te organizoj pd,po kam frik se nuk do zgjedh dote organet drejtuse te asaj partije.