Kunati merr në pyetje delegacionin që vizitoi Mziun

Pas vizitës së zakonshme javore, që deputetët e PD-së bënë në burgun e Mziut, Kunati vendosi t’i thërrasë të marrë informacion mbi gjendjen e burgut dhe gjendjen shpirtërore të të arrestuarit.

Takimin e la mbasdite në zyrën e tij, ku erdhën për të raportuar Aldo, Beni dhe Muli.

Kunati ishte pak në siklet për ta nisur bisedën rreth kuriozitetit që kishte për qelinë.

-Si ishte nga gjendja shpirtërore, pyeti në përgjithësi.

-Kishte moral të lartë, tha Aldo. Na dha zemër dhe ne. Kishte ndjekur me vëmendje gjithë zhvillimet e fundit dhe ishte shumë entuziast. I kishte pëlqyer sidomos dalja e fundit e Ennos për këto kreditë e banesave.

-Ashtu, shumë mirë. Më bëhet qejfi, tha Kunati. Po ndonjë gjë të veçantë çfarë tha?

-Tha që të burgosurit mbështesin revoltat e PD-së dhe janë me mendje e zemër tek ato, por duan të dinë kur do nisin.

-Ah, këtë më pyesin të gjithë, tha Kunati, dhe ne s’kemi si të përgjigjemi se as ne nuk e dimë. Se ne kemi thënë që mbështesin protestat, nuk kemi thënë që udhëheqim protestat.

-Këtë shqetësim kishte dhe ai, tha Muli. Është gabim kjo frazë. Duhet të themi udhëheqim protestat se dukemi si Ed Rama më 21 janar që tha mbështesim protestat dhe nxori popullin para. Edhe Zhelali kishte mendimin që duhet t’i udhëheqim protestat.

-Më ka shkuar mendja dhe tek kjo, por nuk kemi kë nxjerrim në krye, tha Kunati. Po të bëhen në Tiranë, i bie të dalësh ti Aldo se je kryetar i degës së Tiranës.

-Unë, po çne unë, tha Aldo.

-Po ti je kryetari, i tha Kunati. Dhe nga PS, Besnik Bare i udhëhoqi, atë morëm të pandehur.

-Ore kjo është kollaj, tha Ristani, por puna është se po u bë kështu, na tremben njerëzit se pastaj duhet të gjejmë dhe kush do vritet. Unë për vete jam që të mos i udhëheqim, po të shkojmë pas popullit.

-Mirë e keni ju, tha Muli, por populli shkon pas qeverisë, ne pas popullit dhe futemi të gjithë në vathën e Edvin Ramës.

-Për këtë u thirra, tha Kunati. Desha të di si është dhe gjendja e burgjeve në tërësi se mund të na arrestojnë militantët…

-Në paraburgim nuk është mirë, tha Muli, i pashë vetë mjediset, shumë keq. Ai Ed Halimi na ka gënjyer që i ka bërë të mira. Asgjë nuk kishte bërë.

-Nuk ka faj, tha Aldo. Kam qenë dhe unë tek Drejtësia. Ne kishim bindjen se ato nuk duheshin rregulluar se do futeshin armiqtë. Nuk e dinim që këta do gënjenin popullin dhe do na merrnin pushtetin.

-Sidoqoftë dua një raport si është gjendja, tha Kunati. Revoltat mund të nisin çdo çast. Ato nuk e kemi ne në dorë, i ka populli. Gjobat e policisë po irritojnë njerëzit. Edhe energjia elektrike ka ikur nja dy herë dhe është bërë problem. Ka shumë mundësi që dhe vonesa në zbatimin e shëndetësisë falas të ketë shkaktuar revolta. Ndaj duhet të jemi gati se mund të nisë në çdo kohë.

-D.m.th ti nuk ke gjë të sigurt kur do nisë, tha Ristani.

-I di Doktori ato punë, tha Aldo, nuk duhet të kërkojmë më shumë se ç’duhet.

-Atëherë po ikim, tha Flamuri. Po ka ndonjë sinjal nga populli për revoltë, më njoftoni. Në Lalëz jam këto ditë se po rregullon dhe Argita vilën dhe duhet t’i jap një mendje.

Kunati në dilemë për sulmin ndaj Lubonjës

21:29 Antena

Kunati, i shqetësuar për fatin e kredive për shtëpi

19:36 Antena

Kunati duke organizuar festën e RD

21:59 Antena

Kunati ngatërrohet me tritolin e Pogradecit

19:45 Antena

Kunati nis muajin e bezdisshëm të përvjetorëve të PD-së

19:03 Antena

Kunati, konsultë për tritolin e Milotit

21:04 Antena

ANTENAT E VITIT

21:51 Antena

Kunati, i trembur mos përmendet “Taksa Kunati”

19:39 Antena

Kunati argëtohet me intervistën e Jarit tek Fevzo

19:31 Antena

Kunati, komplot të dështuar kundër Fugës me urimet në mur

18:34 Antena