Reforma në drejtësi/ Nishani përplaset me Naçon gjatë Konferencës Gjyqësore për KLD

Reforma në sistemin e drejtësisë dhe vlerësimi për Këshillin e Lartë të Drejtësisë përplasin Presidentin Bujar Nishani me ministrin e Drejtësisë Nasip Naço. Konferenca Gjyqësore Kombëtare, e cila u përshëndet nga Naço dhe Nishani ka rikthyer edhe njëherë vlerësimet e ndryshme që ekzistojnë mes Kreut të Shtetit dhe ministrit të Drejtësisë përsa i takon Këshillit të Lartë të Drejtësisë. E ndërsa Naço vlerëson se gjyqtarët që janë anëtarë të KLD-së shfrytëzojnë pozicionin për të promovuar veten, Nishani thotë se përgjegjmëria dhe ndjeshmëria profesionale tek anëtarët e KLD-së mbisundon tek ata dhe kjo është arritje pozitive.

Presidenti Nishani

“Në mbledhjen e fundit të KLD-së u morën disa masa disiplinore. Konstatoj se përgjegjmëria dhe ndjeshmëria profesioanale tek anëtarët e KLD mbisundoi tek ata kjo është arritje pozitive”, u shpreh Presidenti Bujar Nishani gjatë fjalës përshëndetëse në Konferencën Kombëtare Gjyqësore.

Ai ftoi gjyqtarët që të jenë aktivë në procesin e reformave në sistemin e drejtësisë, ndërsa kërkoi një trajtim financiar më të mirë për ta.

“Ju ftoj të jeni aktivë në orientimin e reformave në sistemin  e drejtësisë, pasi besoj se mendimi më profesional dhe realist mund të jetë ai që vjen nga komuniteti i gjyqtarëve, të cilët i njohin më mirë problematikat”, tha Nishani. Kreu i shtetit kërkoi që gjyqtarët të gëzojnë një trajtim financiar më të mirë, madje më të mirë dhe se ministrat e deputetët.

“Besoj se një gjyqtar i Gjykatës së Apelit apo i Gjykatës së Faktit e meriton të paguhet më mirë se një ministër apo deputet. Dikush do të thotë po a do ta pengonte ky trajtim financiar një gjyqtar të korruptohej? Jo. Nuk besoj, por do të fitonim diçka shumë më të madhe, pasi do inkurajonim dhe vlerësonim gjyqtarin e ndershëm, si dhe do të konsolidonim sjelljen e tij profesionale, mbrojtjen e kësaj sjellje, e këtij integriteti dhe standardi, që më pas do të fillonte të pëmirësonte dhe të dominonte veprimtarinë e përditshme praktike të gyqtarëve të Republikës”, tha ai.

Duke theksuar nevojën e përmirësimit të ambjenteve në gjykata, Nishani tha se është e pajustifikueshme që 6 muaj pas fillimit të funksionimit të gjykatave administrative është bllokuar procesi i emërimit të këshilltarëve në këto gjykata. Ai u shpreh në mbështetje të reformave që nxisin trajnimin e veçantë të gjyqtarëve që lidhen me grupe të përcaktuara, siç janë minorenët.

Ministri Naço

 “Do të kërkoja nga Konferenca Gjyqësore përpunimin e rregullave të etikës në vijim të ndryshimeve në ligjin për konferencën gjyqësore për shmangien e konfliktit të interesit të anëtarëve të KLD. Besoj se edhe ju e konsideroni të papranueshme faktin që të zgjedhurit tuaj në KLD të shfrytëzojnë mandatin dhe vlerësimin duke promovuar vetveten. Është gjithashtu e pandershme të përdoren artifica ligjore për t’ju shmangur frymës së ligjit dhe për të lejuar konfliktin e interesit midis anëtarëve të KLD-së. Një frymë e tillë jo vetëm nuk ndihmon në përmirësimin e besimit të qytetarëve tek sistemi, por e dëmton atë”, iu drejtua ministri Naço pjesëmarrësve në konferencë.

Në vijim ai kërkoi bashkëpunim të plotë për një reformë gjithëpërfshirëse në drejtësi për t’i dhënë shqiptarëve një drejtësi të shëndoshe e të drejtë. Duke vlerësuar si mjaft të rëndësishme Konferencën Gjyqësore, Naço ka nënvizuar se sistemi i drejtësisë është themel i shtetit të së drejtës. Duke risjellë në vëmendje kërkesat e BE-së, Naco theksoi se progres raporti i vitit 2013 adreson si të nevojshme plotësimin e kuadrit ligjor për reformën gjyqësore, duke theksuar se disa masa janë ende të papërfunduara dhe kjo pengon zhvillimin të mëtejshëm të reformës. Për ministrin e Drejtësisë  lufta ndaj korrupsionit ka bërë progres të kufizuar dhe kjo sipas tij, vjen se shpesh gjyqtarët përfshihen në praktika korruptive të cilat nuk marrin ndëshkim. Sipas tij, klima e mosbesimit që ka përfshirë sistemin e drejtësisë duhet të ndryshohet me reforma. Naço solli në vëmendje kërkesat që ka ngritur për përmirësimin e gjyqësorit, siç është nisma për rishikimin e vlerësimit të gjyqtarëve, përmbyllja e procesit të emërimeve në gjykata administrative dhe zgjidhja e mos-emërimit të magjistratëve.

“Nevojitet rritja e transparencës dhe efiçencës së sistemit, pasi besueshmëria është në nivelet më të ulta. Kjo situatë duhet të pranohet si një realitet që duhet ndryshuar dhe duhet të koordinojmë përpjekjet tona në këtë drejtim. Reforma në këtë drejtim duhet të ndërmerren së bashku dhe këtë ia kam kërkuar edhe KLD-së”, theksoi ministri i Drejtësisë.

Ai inkurajoi KLD të ecë sipas prioriteteve. “Kërkoj të përmbyllet procesi i emërimeve në gjykata administrative. Kam kërkuar zbatimin e dekretit të Presidentit për caktimin e numrit të gjyqtarëve të Shkallës së Parë Administrative dhe të Apelit. Kam kërkuar të zgjidhet absurdi i mos emërimit të magjistratëve. Kam kërkuar rishikimin e sistemit të vlerësimit të gjyqtarëve”, theksoi ai.

Zaganjori

Kryetari i Gjykatës së Lartë Xhezair Zaganjori theksoi se besueshmëria në drejtësi vjen nëpërmjet rritjes së përformancës. Sipas tij, “sot hasen shumë vendime të paargumentuara mirë, çka sjell ulje të besueshmërisë, cilësisë së punës, zgjatjet të proceseve, kthim të vendimeve dhe ky ngërç kërkon reformë”. Zaganjori tha se koha imponon reformë dhe korrupsioni në drejtësi duhet kuruar.  “Korrupisoni në drejtësi është një plagë që gjunjëzon demokracinë e një vendi. Në vendin tonë ka ende të meta në procesin gjyqësor dhe lufta ndaj këtij fenomeni është një nga 5 prioritet e BE-së, prandaj ne mendojmë se reforma është e domosdoshme.”, tha Zaganjori.

Sipas tij, “Gjykata e Lartë nuk duhet të punojë nën presionin e numrit të madh të çështjeve. Kjo gjykatë nuk është fabrikë. Numri i çështjeve që shqyrton në seancë duhet të jetë i kufizuar. Këto problematika shtrojnë nevojën për vijimin e reformave në sistemin e drejtësisë”. 

Shqipëri-Turqi, institucionalizohen marrëdhëniet nëpërmjet Këshillit të Nivelit të Lartë

13:45 Politika

Seancë dëgjimore me Alaudin Malajn: Akuzat ndaj Gjin Gjonit i kam mbledhur nga media

15:10 Politika

Pushkatimi pa gjyq i Partisë Demokratike

17:07 Politika

Bumçi i përgjigjet Ballës: Nuk keni vullnet për konsensus

14:59 Politika

Inspektori i Përgjithshëm i ILDKP do të propozohet nga Kuvendi. Debatet në Komisionin e Ligjeve

14:39 Politika

Strategjia e Sigurisë Kombëtare/ Specialisti amerikan vlerëson punën e Qeverisë shqiptare

14:01 Politika

LETRA/ Tahiri i shkruan Nishanit: Ja 65 vendimet e gjykatave, që meritojnë shqyrtim

14:10 Politika

Rezoluta e përbashkët konsensuale/ Balla: Ja pse e pengoi Berisha deklaratën

13:32 Politika

Akuzat e PD ndaj FA/Xhaçka: PD po bëhet qesharake, po cënohet imazhi i vendit (VIDEO)

12:25 Politika

Basha: Qeveria ka informacion për trafikun e drogës nga ushtria, e tha edhe Erion Braçe

11:23 Politika