A do të respektohet “tradita” e fund sezonit në futbollin shqiptar?!

Si çdo sezon, javët dhe ndeshjet e fundit të sezonit në futbollin shqiptar nuk i shpëtojnë zërave, thashethemeve apo aleancave aspak sportive mes skuadrave e presidentëve, që shpesh herë janë vërtetuar nga fusha. Këtë “traditë” e ka respektuar deri diku edhe edicioni aktual, ku rezultatet e disa ndeshjeve kanë qenë të qartë shumë më herët se shkelmimi i topave të parë.

Kur kanë mbetur edhe dy javë për t’u luajtur në Kategorinë Superiore si dhe finalja e Kupës së Shqipërisë, por mbi të gjitha pas ndeshjeve të së mërkurës për javën e 31-të, sipas “thashethemeve” që kanë filluar të qarkullojnë rëndom, gara për Ligën e Europës mund të vendoset nga skenarë të denjë për filma hollivudianë.

Le ta qartësojmë situatën.

Kukësi i vendit të dytë pritet ta ruajë pozitën aktuale (dhe pjesëmarrjen në Europë) deri në fund, pasi të dielën pret Lushnjen e rënë matematikisht në Kategorinë e Parë, ndërsa në javën e fundit kalendari e vendos virtualisht përballë Bylisit të përjashtuar. 6 pikë të sigurta për verilindorët, që pritet të konfirmohen nënkampionë.

Partizani i vendit të tretë ka 50 pikë. Të dielën pret Skënderbeun tashmë kampion, ndërsa në javën e 33-të shkon në Lushnje.

Laçi i katërt është në kuotën e 48 pikëve dhe pas dy ditësh luan në shtëpi me Kastriotin, kurse kampionatin e mbyll në Korçë me Skënderbeun.

Teuta e vendit të pestë është në të njëjtën kuotë me kurbinasit, në javën e 32-të i ka tri pikët e sigurta, pasi sipas kalendarit pret Bylsin. Në javën e fundit durrsakët luajnë në “Loro Boriçi” me Vllazninë.

Në garë për një vend në Ligën e Europës është edhe Flamurtari, me vlonjatët që duhet të fitojnë finalen e Kupës së Shqipërisë (me Kukësin) për të siguruar pjesëmarrjen në kompeticionin kontinental. Nëse trofeun e dytë për nga rëndësia e fiton Kukësi, atëherë në turin e parë të Ligës së Europës kualifikohet vendi i katërt në kampionat.

Gjithmonë sipas “thashethemeve”, janë dy të panjohurat e njohura e këtij ekuacioni, X dhe Y, që mund (pritet) të ndikojnë direkt për disa skuadra dhe indirekt për disa të tjera në garën për Ligën e Europës. Po t’i hedhësh një sy klasifikimit, përballjeve të dy javëve të mbetura dhe po të bësh një llogari shqiptarçe me laps e letër (ndoshta i ka kaluar koha), të gjithë mund të dalin në përfundimin se ka skuadër/skuadra në vendet 3-5, e cila/të cilat mund ta pësojnë nga ndikimi i kombinuar në ekuacion i të panjohurave X dhe Y dhe mund të mbeten jashtë Europës për sezonin e ardhshëm.

Kampionati mbyllet më 10 maj, finalja e kupës luhet më 17 maj. E panjohura e parë, X-i, mund (pritet) të jetë e vlefshme vetëm për dy javët e fundit, ndërsa e dyta, Y-i, mund (pritet) të bëhet vendimtare në finalen e kupës.

Një gjë është e sigurtë, si çdo sezon në futbollin shqiptar. Mund (pritet) që mos të vendosë vetëm fusha se cila/cilat skuadra do të luajnë në Ligën e Europës dhe cila/cilat do të jetë e detyruar pranojë “traditën” dhe të ndjekin Botërorin e Brazilit…

Mrekullia e Simeones, me 7 milion euro në dy vjet arrin majat e Europës

15:05 Sport

Simeone falenderon mamatë e lojtarëve: Kanë lindur djem me to.. të mëdha

14:52 Sport

Në web shpërthen ironia me Murinjon: Ju shkatërrua autobusi (FOTO)

14:32 Sport

Granit Xhaka në orbitën e Lacios

14:17 Sport

Skënderbeu shpallet kampion për të katërtin vit radhazi

17:19 Sport

Vilmots: Miralas flet gjepura, Januzaj nuk është çështje e tij

14:26 Sport

Luis Enrike, trajneri i ardhshëm i Barcelonës?

14:01 Sport

Tevez: Sabela nuk duhet ta shikojë Juventusin, ndryshe do ndërrojë mendje

13:39 Sport

Hapoel konfirmon Salihin për sezonin e ardhshëm?

13:35 Sport

Venger: Dëmtimet na nxorën nga gara për titull

14:29 Sport