Te fundit
Roben: Dua t’i jap Bajernit një tjetër Champions
4 Gusht 2014, 15:14Sport
TEMA
Arjen Roben rrëfen ëndrrën e madhe, të cilën dëshiron ta bëjë realitet para se të mbyllë karrierën.
Holandezi kërkon t’i japë Bajernit të Mynihut një tjetër trofe në Champions League, ashtu siç bëri në finalen e vitit 2013 në “Uembli”, ku shënoi golin e triumfit kundër Dortmundit, raporton Sport News.
Pas këtij suksesi, bavarezët u panë si favoritë për ta fituar sërish kompeticionin më të rëndësishëm për klube në Europë, por u shpartalluan nga Reali i Madridit në gjysmëfinalet e sezonit të fundit.
Me këtë disfatë në mendje, Roben tani ndihet edhe më i motivuar për ta udhëhequr Bajernin sërish drejt majës së kontinentit:
“Sigurisht që dua ta fitoj përsëri trofeun e Champions League.
Eshtë ky objektivi më i rëndësishëm që kam në karrierë.
Shpresoj që të jem në formë ashtu si në sezonin e fundit dhe ndoshta mund të përmirësohem në disa aspekte.
Dua të arrij gjëra të mëdha me Bajernin.
Jam ende i uritur për të tjerë tituj”, tha ai.
Më tej, Roben foli me fjalë inkurajuese për shokun e skuadrës, Holger Badshtuber, i cili është rikthyer së fundi në fushë, pas një mungese të gjatë nga dëmtimi në gju:
“Jam jashtë mase i lumtur që Holger më në fund është sërish mes nesh. Ai është një djalë shumë i mirë dhe një shok i vërtetë. Pas kaq shumë vuajtjesh e meriton plotësisht rikthimin në lojë”.
Takimin e fundit zyrtar me Bajernin, Badshtuber e ka luajtur në dhjetor 2012.
Që atëherë, mbrojtësi 25-vjeçar nuk ka mundur t’i ndahet kalvarit të vuajtjeve.
3 komente në “Roben: Dua t’i jap Bajernit një tjetër Champions”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ti miku ime ki kujdes se mos var kepucet ne gozhde se ato kaviljet se i ke si prej xami po te jesh mir me shendet fol pastaj
Enderro, Roben, enderro!!!
Tani qe do lozi Del Piero,veshtire e ke.