Te fundit
Munir, ylli i ri i Barcelonës
25 Gusht 2014, 20:04Sport
TEMA
Munir El Hadadi nuk duhet të jetë aspak supersticioz. Macja e zezë që doli në fushën e “Kamp Nou-t” në minutat e para të sfidës me Elçen nuk e trembi. Përkundrazi, Barcelona e Luis Enrikes debutoi me një fitore të pastër në këtë sezon të La Ligas. Në një mbrëmje ku u pa Mesi më i mirë, ishte 18-vjeçari spanjoll me origjinë marokene ai që mori duartrokitjet e pjesës më të madhe të publikut. Shënoi një gol, duke shfrytëzuar asistin e Rakitiç, goditi traversën me një të majtë të fortë si dhe luajti me shumë personalitet. Ovacionet e publikut katalanas në momentin e zëvendësimit me Pedron ishin plotësisht të merituara. Jo keq për një futbollist të ri që dje debutoi në La Liga.
Munir duket nga ata të rinj që i djeg etapat. Ndaj Elçes shënoi një rekord të ri, sepse u bë futbollist me moshë më të re që shënon në ndeshjen hapëse të kampionatit. Munir e fitoi vendin e titullarit për shkak të mungesave së Suarezit dhe Nejmarit, por edhe si rrjedhojë e formës jo të mirë fizike të Pedros. Djaloshi e ka bindur Luis Enriken gjatë fazës përgatitore, ku shënoi 4 gola.
Emri i Munir nisi të bënte xhiron e botës më 14 prill të këtij viti. Në finalen e Championsit për të rinj, Barcelona mposhti 3-0 Benfikën, me marokenin që realizoi një dygolësh (njëri nga mesi i fushës). E mbylli këtë kompeticion në kuotën e 11 golave në 10 ndeshje, pra në krye të listës së golashënuesve. Në skuadrën B të Barcelonës ka luajtur vetëm 11 ndeshje, sepse menjëherë iu bashkua ekipit të parë, pasi në drejtim të tij erdhën oferta nga klube të mëdha europiane.
Lini një Përgjigje
Më të lexuarat
24 oret e fundit
Javen e fundit
Blog Tema
