“Ramizi mori drejtimin e Partisë pa vdekur Enveri. Nexhmija u kujdes që vdekja e tij të bëhej publike të nesërmen”

Enver Hoxha ka hequr dorë nga drejtimi i partisë disa muaj para se të vdiste, madje më herët.

Në shënimet e tij në ditar, zyrtari i lartë i kabinetit të diktatorit, Haxhi Kroi shkruan se kreu i regjimit, qysh pas goditjes nga ishemia cerebrale, në shkurt të vitit 1984, mbeti një mysafir i rrallë në zyrën në KQ.

Ai shkruan në ditarin e publikuar nga Panorama se detyrat në aparatin e KQ i jepte Ramizi pas konsultimit me Enverin.

Zyrtari besnik i shtetit, që ka shërbyer 40 vite në zyrën e tij, shpjegon me detaje rolin e veçantë që ka luajtur Nexhmije Hoxha, e cila siç shkruan Kroi, arrin deri aty sa të flasë në emër të të shoqit jo thjesht për çështje rutinë, por edhe për probleme të rëndësishme shtetërore.

“I dërgova shokut Enver dy materiale që do të diskutohen në mbledhjen e Byrosë Politike. Tani ato ia lexon shoqja Nexhmije. Fakti që ia dërgojmë, tregon se shoku Enver është në gjendje që t’ju japë mendimet e veta shokëve që kanë nevojë për ndihmën e tij.

Me qëndrimin e shokut Enver në shtëpi, shoku Ramiz dhe shokët e tjerë kryesorë, po udhëheqin të gjithë jetën e vendit, pasi veç ndihmës së shokut Enver për çështjet kryesore, kanë edhe përvojën e tyre të madhe si udhëheqës Partie e shteti”, shkruan Kroi.

Ai rrëfen se lajmi për vdekjen e Hoxhës është bërë publik vetëm të nesërmen në mëngjes.

“Në orën O7:00 isha në zyrë. Për orë të tëra nuk më bëhej të lexoja diçka.

Paraditja iku kështu me tension dhe ankth. Pasdite u ktheva përsëri në zyrë. Në orën 16:30 më telefonoi shoku Piro Kondi dhe më tha se me të gjithë shokët e sektorit do të na takonte shoku Ramiz. U thashë edhe shokëve.

Të tre rrinim në heshtje dhe nuk i thonim gjë njëri- tjetrit, por ndjenim se diçka seroze po na priste.

Pas pak erdhi shoku Ramiz në zyrën time dhe na dha lajmin e tmerrshëm, se qysh dje shoku Enver ishte në gjendje shumë të rëndë, aq të rëndë theksoi ai, saqë organizmi nuk vepron, ai jeton vetëm me aparatura”, shkruan ai, teksa rrëfen se Ramizi i ka këshilluar të bëheshin të fortë.

Ai rrëfen se pas mesnatës së 11 prillit, në orën 2:40 ishte njoftuar nga Sulo Gradeci që të shkonte në shtëpinë e Enverit.

“Pas shokut Spiro, hyra dhe unë.

Shoqja Nexhmije e lodhur dhe e drobitur nga dhembja e thellë dhe lodhja e madhe, sidomos këtyre ditëve të fundit, priste te dera dhe më dha dorën.

E përqafova si shoqen, si motrën time.

“Na la Enveri shoku Haxhi, me të cilin ti kalove një jetë të tërë”, më tha ajo. M’u shkrep të qarët, por e mbajta veten”, shkruan Kroi teksa rrëfen se të nesërmen në orën 07:00 u mblodh aparati i KQ dhe u dha lajmi i kobshëm dhe në orën 12:00 Radio Tirana dha komunikatën e KQ, që u dëgjua në heshtje në të gjithë vendin.

Agolli rrëfen lidhjet e tij me kupolën komuniste: Enveri caktoi Ramizin për t’i mbrojtur familjen

12:02 Dossier

DOSSIER/ Ish-të përndjekurit politikë, “mollë sherri” për debatin në Konferencën e PD-së, gusht 1992

20:12 Dossier

DOSSIER/ 13 gusht 1992: Konferenca e jashtëzakonshme e PD, ndarja e themeluesve

19:16 Dossier

100 vjet nga beteja popullore e Fushëbardhës në Qafë të Skërficës

19:08 Dossier

Pse 1 korriku është dita e vërtetë e futjes në ambasada…

19:01 Dossier

Beteja e Paqenë në Fushë të Mëllenjave (Kosovo polje) më 1389

20:09 Dossier

Rikthimi im ne Paramithi, tek rrenjet e mija çame

19:22 Dossier

Këlcyra, homazhe dhe respekt për Ali Këlcyrën/ Përcillet në banesën e fundit bashkë me gruan e tij

16:44 Dossier

Rikthehet në atdhe Ali Këlcyra, “armiku” i diktatorëve shqiptarë

18:26 Dossier

Nipi i Hasan Prishtinës: Eshtrat e tij duhet të vijnë në Tiranë, dyshoj se u vra nga Zogu

10:38 Dossier