Ambasadori Lu paraqet 3 prioritetet e SHBA për Shqipërinë

Forcimi i institucioneve demokratike, ecuria e reformave për anëtarësimin e Shqipërisë në BE dhe zhvillimi i Shqipërisë si aleate e NATO-s janë tre prioritetet e misionit të Ambasadorit të Shteteve të Bashkuara të Amerikës në Tiranë Donald Lu.

Diplomati amerikan në konferencën e parë për mediat në Tiranë , pas prezantimit të letrave kredenciale tek Presidenti Bujar Nishani, theksoi se Washingtoni më ka dhënë 3 prioritete për ecurinë e reformave drejt anëtarsimit në BE, zhvillimi i Shqipërisë si aleate e NATO-s dhe forcimi i institucioneve demokratike.

Duke uruar Shqipërinë për marrjen e statusit të vendit kandidat, Ambasadori Lu u shpreh se shqiptarët duhet të ndjehen krenarë për këtë arritje.

Ai shtoi se SHBA do të mbështesin përpjekjet e mëtejshme euro- atlantike të Shqipërisë, do të nxisin përpjekjet e Shqipërisë në luftën kundër korrupsionit dhe krimit të organizuar si dhe nxitjen e përmirësimit të klimës së biznesit.

Gjithashtu, rifokusimi i trajnimeve dhe ndihmës amerikane për të përgatitur ndihmën e ushtrisë shqiptare në misionet e NATO-s, do të jetë pjesë e punës së ambasadorit Lu. Po ashtu si bashkëpunimi në reformën në drejtësi dhe fuqizimi i sektorit të OJQ-ve.

“Shqiptarët presin shumë nga Ambasada e SHBA dhe Ambasadori amerikan për shkak të lidhjeve historike dhe miqësisë mes vendeve tona. Do të jemi miq të sinqertë”, tha ambasadori Lu.

Lidhur me politikën e SHBA-së ndaj Shqipërisë, diplomati amerikan  theksoi se Ambasadorët amerikanë ndryshojnë, por politika nuk ndryshon.

Unë kam respekt për të gjithë ambasadorët që kanë punuar më parë në Shqipëri. Bashkëpunimi mes vendeve tona ka arritur nivel të larta.

Kemi politikën kundër ISIS dhe parandalimit të largimi të luftëtarëve në Siri. Ky lloj bashkëpunimi ka qenë i paimagjinueshëm vetëm 20 vite me parë”, theksoi ai.

Duke folur për tragjedinë në redaksinë e gazetës satirike franceze ‘Charlie Hebdo’, ambasadori Lu u shpreh se “një nga fushat e qarta pë partneritet është antiterrorizmi dhe sulmi në Charlie Hebdo nuk ishte sulm ndaj disa individëve, por kundër vlerave demokratike dhe asaj mënyre jetese të vlerave perendimore.

Këto janë vlera që i ndajmë me Shqipërinë. Po punojmë me Shqipërinë dhe partnerët e tjerë me të cilët ndajmë vlera të njëjta”. /gj.k/

DËSHMITË/ “Unë e doja Denisën, por ajo ma mbylli telefonin dhe u acarova”. Familjarët: E qëlloi direkt me plumb në ballë

12:39 Politika

Rama: Para drejtësisë ata që nuk paguan sigurimet e punonjësve, u kërcënua rënia e shtetit

12:09 Politika

FOTO LAJM/ Ambasadori Lu në ditën e parë të punës

11:33 Politika

Kreu i ri i OMONIA-s takon Samaras: Greqia të mos e harrojë Epirin e Veriut

11:28 Politika

Testimi i mjekëve/ PD: Rama të merret me mungesën e ilaçeve, po kap edhe shëndetësinë

11:18 Politika

Dekriminalizimi/ Braçe: A do të përfshijë ligji edhe Berishën e Bashën për vrasjet e 21 Janarit

10:59 Politika

Erdogan: Perëndimi, islamofob. Çfarë donte një terrorist si Netanyahu në marshimin e Parisit?

10:34 Politika

Rama - Tahiri, ku po shkon policia

10:21 Politika

FOTOT/ Plumba për "dashurinë", vritet një 22-vjeçare dhe plagoset i vëllai

09:33 Politika

Revista Charlie Hebdo, në kopertinë me Profetin Muhamed: Je suis Charlie

09:02 Politika