Te fundit
Lirohet nga Egjipti gazetari i Al Jazeera pas 1 viti burg
2 Shkurt 2015, 13:19Bota
TEMA
Gazetari i Al Jazeera Peter Greste u lirua nga Egjipti, pasi kaloi më shumë se një vit prapa hekurave.
Greste dhe dy kolegët e tij, Mohamed Fahmy dhe Baher Mohamed u burgosën qershorin e vitit të kaluar për akuza që përfshinin edhe ndihmën ndaj Vëllazërisë Myslimane si dhe shpërndarjen e lajmeve të rreme.
Të tre gazetarët u dënuan me shtatë deri në 10 vjet.
Lajmi se Greste u lirua, është mirëpritur nga familja e tij në Australi, por mendimet e tyre ishin me dy gazetarët e tjerë që ndodhen ende në burg.
“Ai nuk do t’i harrojë dy kolegët e tij dhe nuk do të përfshihet nga entuziazmi i lirisë derisa derisa dy kolegët e tij te jenë të lirë. Ai nuk do të heqë dorë derisa Baher dhe Mohamed Fahmy të dalin jashtë nga burgu”, –tha vëllai i Peter Greste, Andrew.
Grupet e të drejtave të njeriut dhe qeveritë perëndimore dënuan gjyqin e gazetarëve dhe Kombet e Bashkuara vunë në pikëpyetje pavarësinë e sistemit gjyqësor të Egjiptit.
Një fushatë globale nga mediat, mbajti gjendjen e gazetarëve në lajmet e tyre.
Kairo akuzon Al Jazeera, se ka qenë zëdhënëse për Vëllazërisë Myslimane të ndalur– gjë që ajo e mohon, ndërsa forcat e sigurisë mbyllën zyrat e saj disa orë pasi presidenti Mohammed Mursi, u rrëzua.
Ndalimi i gazetarëve ka shtuar tensionet mes Egjiptit dhe Katarit, i cili zotëron Al Jazeera-n./j.h
Lini një Përgjigje
Më të lexuarat
24 oret e fundit
Javen e fundit
Blog Tema
