Te fundit
Iniesta: Ta harrojmë finalen, sezoni mbetet i gjatë
6 Mars 2015, 15:03Sport
TEMA
Mesfushori i Barcelonës, Andres Iniesta u kërkon shokëve të skuadrës ta harrojnë sa më shpejt kualifikimin në finalen e Kupës së Mbretit sepse tashmë ekipin e pret një rrugëtim i gjatë në kampionat dhe Champions League.
Humbjet ndaj Real Sociedad dhe Malagas djegin ende në kampin katalanas, ç’ka ka ndikuar edhe në klasifikimin e skuadrës që mban vendin e dytë me 2 pikë më pak se Reali i Madridit.
Sipas Iniestas, Barcelona i ka të gjitha mundësitë për të dalë fitimtare në të tre turnetë:
“Po kalojmë një moment shumë të mirë dhe jemi të lumtur për këtë.
Edhe pse jemi në finale tani duhet të fokusohemi në dy kompeticionet e tjera.
Finalja është një arritje që na bën krenarë por sezoni mbetet i gjatë.
Kur je në një moment të mirë duhet të punosh edhe më shumë sepse nuk e kemi luksin të ndalojmë tani”.
Në vijim, 31-vjeçari i lindur në Fuentealbilla thekson se ekipi nuk ka arritur ende asgjë prandaj pjesa e mbetur e sezonit është jetike për të finalizuar me sukses ecurinë pozitive nën drejtimin e Luis Enrikes:
“Suksesin nga dështimi e ndan vetëm një linjë e hollë prandaj duhet të mendojmë për çdo ndeshje duke nisur nga ajo e radhës kundër Rajo Valekanos dhe më pas për sfidën e radhës”.
Sfida e javës së 26-të mes Barcelonës dhe Rajo Valekanos do të luhet ditën e dielë në “Kamp Nou” dhe për herë të parë gjatë këtij sezoni, katalanasit do të luajnë në orën 12:00.
1 komente në “Iniesta: Ta harrojmë finalen, sezoni mbetet i gjatë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
I madhi Injesta, elegant, i zgjuar, fjalepak, i kudondodhur, vec kur cfaqet si “jole” ne aksionet finale. Me mencurine e tij ai perballon sforco fizike te kalkuluara. Kot nuk eshte Kapiten. Ne tere Spanjen, nuk gjen lojtar apo tifoz te flas keq per kete njeri. Respekti per ate eshte e habiteshe