Ditari i Demokratit Thërmia: Lista e Këshillit të Grigjës, “një burrë, një dashnore...”

Sot në mëngjes ma zunë kafen në grykë. Sapo shkova tek partia, në vend të Grigjës dhe Asmonit që gjej zakonisht, ishin mbledh lloj-lloj njerëzish, që i ishin turr Ristanit të shkretë. Ai u lutej, “më leni ta mbaroj këtë gotë tamam”, ata i ulërisnin në fytyrë.

U ula tek vendi im e s’po ndihesha.

E kuptova që në fillim, që po ziheshin për Këshillin. Në këtë parti sa mbaj unë mend nga 91-shi, për Këshillin bëhet luftë e madhe. O punë e rehatshme. Mbaro noj punë tate, e merr e ca lek qyl sa me pi kafe.

Ai që i bërtiste më shumë Ristanit, ishte njëri që thoshte “kam qenë 4 herë në Këshill, kush më hoqi, me ça kriteri…dua kriterin tani”, bërtiste.

Ristani i shkretë bënte të kapte gotën, ai i turrej në fytyrë.

-Lene gotën, më thuj kriterin…

Ristani i lutej t’i linte kohë të mendohej, se nuk e kuptonte qartë çështjen.

Pastaj erdhi radha e njërit që ulëriste se ishte zëvendësu me njërën që ka qenë dashnore e drejtorit të rëndësishëm në Durrës.

-Ai legeni s’ka fut emrin e vet, se e di çe gjen. Ka fut dashnoren, ulëriste.

-Po mirë mo burrë, pse merreni me llafe, tha Ristani. Varet si është kjo zonja, ç’rëndësi ka kë ka dashnor.

-Dua kriterin, i thoshte dhe ky. Më thoni me ça kriteri u hoqa. Ndryshe këtu do bëhet nami.

Ristani tentoi ta qetësonte se do interesohej, por ai nuk e linte as të çonte dorën tek gota.

Pastaj më agresive erdhi një grua që është militante e vjetër tek PD-ja. Tërë jetën komisionere.

-Po si s’u vjen turp, iu drejtua Ristanit. Ti dhe ai Asmoni, merrni mendt e kësaj që ka çarë përpara me dashnorë. Me ça kriteri më keni heq mua dhe më keni zëvendësu me dashnoren e deputetit. Më thuaj kriterin, të lutem. Ndryshe unë nuk iki këtej.

-Po prisni, tha Ristani, se më zutë frymën. Sikur do zgjidheni në sallën e Lordëve, tek Këshilli Bashkiak i Durrësit do zgjidheni. Të vij Asmoni dhe Grigja dhe e sqarojmë.

-Duam kriterin, duam kriterin që jemi heq, bërtisnin të mërziturit.

Unë po qeshja me vete në fund, i kënaqur që s’isha joshur kurrë të hyj në atë dreq Këshilli. Boll e kam komisioner.

Ristani për të shpëtu nga situata, më pa në fund të kafes dhe më foli.

-Po hë mo demokrati Thërmia, se ti je i vjetër këtu. Ça kriteri thonë këto mo burrë, ku di unë ça kriteri ka përdor Grigja për të bërë listën e Këshillit.

-Kriteri është i qartë, i thashë, po cilësia nuk di si është. Ti je specialist për cilësinë, verifiko atë. Kriterin ta thonë zonjat dhe zotërinjtë, ta them unë.

-Po cili është kriteri mo burrë, se më çmenët?

-Beno, a e mba mend më parë radhën e qumështit kur hynin një burrë, një grua.

-Po e mbaj mend, tha Beni.

-Ky kriter është përdor dhe në këtë rast, por është bo, një burrë, një dashnore deputeti, një burrë, një dashnore drejtori… e kështu me radhë. Ndaj janë mërzit robt, se nuk e kuptojnë që kjo është risia e Grigjës.

-Ah, e kuptova, tha Ristani. Dakord, po ta dëgjoj fjalën. Po verifikoj cilësinë.

Letër shfajësuese e Zenit për kalin, qenin dhe tre macet

19:32 Antena

Demokrati Thërmia ndërron posterat e Grigjës

19:40 Antena

Demokrati Thërmia shikon sesi Grigja merr më qafë Ardit Gjebrenë

19:49 Antena

Kunati, i shqetësuar nga dorëheqjet në Këshillin Bashkiak

19:55 Antena

Kunati sqaron ILKDPI, për rrogën e Lulit në Holandë

19:01 Antena

Nga përpjekjet e Fevzos dhe Batonit për të takuar Fidel Kastron

19:50 Antena

Doktori me superdhëndrin fushatë nga vila e Lalëzit

19:40 Antena

Grigja i shpjegon demokratit Thërmia sloganin “Punë dhe dinjitet”

19:33 Antena

Fatja i shpjegon Kunatit pse i iku deputeti

19:36 Antena

Grigja i shpjegon pafajësinë demokratit Thërmia

20:19 Antena