Te fundit
Albert Çaçi fton në debat publik Subashin dhe Alibeaj
31 Maj 2015, 14:09Politika
TEMA
Kandidati i Partisë Social Demokrate për Bashkinë e Fierit Albert Çaçi ka ftuar dy kandidatët e tjerë për këtë bashki që të përballen para publikut të Fierit për alternativat e tyre për këtë qytet dhe për rrethinat e tij. Çaçi tha dje në një takim me banorët e qytetit të Fierit se dy kandidatët e partive të mëdha duhet të mos kenë frikë po të vijnë të flasin para popullit.
Ftesa e Çaçit erdhi si shkak i mungesës së tij në një përballje televizive në Top-Channel të dy kandidatëve të tjerë.
Ai tha se televizioni kombëtar Top-Channel pranoi presionin e PS-së duke i referuar të drejtën e fjalës, ndaj i ftonte kundërshtarët të përballeshin me të para banorëve të Fierit. Kandidati i PSD-së, një ish-deputet i Partisë Socialiste për tre mandate, ose një deputet i orëve të para siç e quajnë në Fier dhe në PS, ka vendosur të kandidojë nën siglën e PSD-së, pas distancimit që i bëri partia e tij. Çaçi u shpreh se ai si kandidat dhe PSD përfaqësojnë të majtën e vërtetë dhetë gjithë socialistët e Fierit.
Gjithashtu Çaçi tha dje në Fier se kundërshtarët e tij po bëjnë fushatë me miliona, duke veshur qytetin me flamuj e banderola, ndërsa njerëzit ankohen për varfërinë, mungesën e zhvillimit, papunësinë, korrupsionin.
Ai ishte në një takim me banorët e lagjes 16 Prilli në qytetin e Fierit, ku qytetarët ngritën problemet që shqetësojnë sot këta banorë si papunësia, mungesa e infrastrukturës dhe largimi i të rinjve në emigracion duke mos parë asnjë shpresë në vend.
2 komente në “Albert Çaçi fton në debat publik Subashin dhe Alibeaj”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Tre here deputet i Fierit ne parlament, zoti Caci nuk mbahet mend te kete folur ndonjehere. Me falni, nje here paska folur! Tani kerkon debat! Shume cuditshme! Rama do thoshte: Memecit i paska ardhur goja? Hahahaha! O Bert na shkrive! Si nuk te vjen turp o pocaqi?!
Po Nanon ku e ke?