Arsenali, 57 milion euro për Karim Benzema

Arsenali është gati të realizojë goditjen e madhe në merkato.

Trajneri i topcinjëve të Londrës, Arsen Venger, dëshiron me cdo kusht të ketë në skuadrën e tij sulmuesin francez Karim Benzema dhe po përgatit një ofertë prej 40 milionë sterlinash, rreth 57 milion euro, për të bindur Realin e Madridit të lërë të lirë bomberin 27-vjecar.

Tre rivalët e Arsenalit në luftën për titull, Çelsi, Mancester Junaited dhe Mancester Siti e kanë bërë tashmë nga një goditje të madhe në këtë merkato, duke afruar respektivisht lojtarë të tillë si Radamel Falkao, Bastian Shvainshtaiger dhe Rahem Sterling, dhe për fakt, Arsenali nuk dëshiron të mbetet pas.

Prandaj, drejtuesit e topcinjëve do të bëjnë gjithcka për të transferuar në Emirates, Karim Benzemanë.

Te Reali i Madridit për momentin nuk janë të gatshëm të heqin dorë nga francezi, por një ofertë prej 57 milion Eurosh mund të tundonte edhe drejtuesit e klubit mbretëror, të cilët me paratë e përfituara nga shitja e ish lojtarit të Lionit do të nisnin ofensivën për të marrë shërbimet e argjentinasit të Mancester Sitit, Serxhio Aguero.

Nëse arrihet marrëveshja dhe Benzema transferohet te Arsenali, ai do të bëhej futbollisti i dytë që largohet nga Los Blancos te topcinjte, pas gjermanit Mesut Ozil, për një shumë të konsiderueshme./SS

Roben mirëpret Vidal: Ai mund të ndryshojë çdo ekip

15:22 Sport

Short me fat për Skënderbeun, Ludogorets ose FC Milsami

15:19 Sport

Arrestohet biznesmeni shqiptar, pronar i skuadrës ku luan vëllai i Balotellit

19:33 Sport

Skandali, ambasada britanike i mohon vizat Skënderbeut

19:32 Sport

TemA TV/ Bledi Shkëmbi: Duhet të jemi me këmbë në tokë, ende nuk ndihemi të kualifikuar

12:12 Sport

Lionel Mesi “simpatizon” Laportën

11:57 Sport

Taulant Xhaka te Fiorentina, mungon vetëm firma

11:55 Sport

De Biazi: Shqipëria, më pranë Europës

11:06 Sport

Arturo Vidal te Bajerni, punë e kryer

11:03 Sport

FSHF: Ja pse renditemi të 3-ët në Grupin I

14:40 Sport