Refugjati sirian, që po habit gjermanët me talentin e tij

Mohammed Jaddou performon një marifet të veçantë kur ka topin në këmbët e veta. Në fushën stërvitore të F.V Ravensburg, ekip që garon në kategorinë e pestë të futbollit gjerman, Jaddou, kapiteni i ekipit U16 të Sirisë, e godet topin me shkathtësi deri te gjoksi, pastaj e rrokullis atë në mënyrë perfekte mbi fytyrë.

Ai e balancon topin me buzët e tij dhe e puth para se ta kthejë sërish të këmbët e tij, duke shpërthyer në buzëqeshje, pasi me këtë numër ai e kujton heroin e tij, Cristiano Ronaldo, shkruan  “Koha Ditore” .

Pastaj Jaddou 17-vjeçar, e përsërit marifetin, duke e puthur topin sërish. Sa herë që e realizon këtë truk, ai buzëqesh  sepse ndihet krenar që  ka mësuar një gjë të tillë, siç e quan ai të veçantë.

Jaddou nuk është vetëm ylli në ngritje i futbollit të Sirisë: ai është njëri prej talenteve më premtues të Azisë. Paraqitjet e tij të mira si kapiten i ekipit, i kanë ndihmuar Sirisë të arrijë në gjysmëfinale të kampionatit U16 vitin e shkuar në Tajlandë në garën e organizuar nga Konfederata e Futbollit të Azisë.

Kjo arritje, e ka kualifikuar Sirinë për Kampionatin Botëror të FIFA-s për U17, i cili do të mbahet pas disa muajve në Kili. Siria është në luftë civile dhe në bazë të një raporti të publikuar në dhjetor të vitit nga Kombet e Bashkuara, nga ky vend janë larguar 11.6 milionë njerëz prej vitit 2011. Por, Jaddou nuk do të përfaqësojë Sirinë në këtë turne, e cila në të shkuarën ka zbuluar talentet si Landon Donovan, Cesc Fabregas e Toni Kroos si yjet e së ardhmes. Jaddou ka hequr dorë nga kjo ëndërr dhe tani është refugjat, duke stërvitur në qytetin e qetë afër lumit Constance pas një udhëtimi prej 3.500 miljeve nëpër tokë dhe deti për të ikur nga lufta.

“Nuk do të jem në gjendje kurrë ta harroj, pavarësisht sesa shumë mundohem”, thotë Jaddou për udhëtimin e tij prej dy muajve që gati i kushtoi jetën. “E kemi parë vdekjen me sy”, thote ai.

Ikja e tmerrshme nga tmerri

Para se të shkonte në stërvitje, Jaddou ishte ulur në kuzhinën e shtëpisë modeste në fshatin e vogël të Bavarisë, në afërsi të kufijve të Austrisë dhe Zvicrës. Ai po jeton në këtë vend përkohësisht me babanë e tij, Bilalin, xhaxhain Zakaria dhe tre sirianë tjerë që i kanë mbijetuar një udhëtimi të tillë.

Gjashtë personat kanë statusin e azilantëve të përkohshëm, që do të thotë se gjatë tre muajve të parë nuk mund të largohen nga ai vend pa marrë leje nga autoritetet e Gjermanisë.

Jaddou në fillim duhet të merrte miratim zyrtar për t’u stërvitur tri herë në javë në Ravensbugr, që është rreth 30 milje larg. Ai nuk ka mundur të bëjë diçka më shumë.

Gjashtë personat gatuajnë me rend dhe dalin për te shëtitur në fshatin ku po jetojnë.

Cristiano Ronaldo tani gjuan një aktore?

12:38 Sport

“Rey Manaj, do të bëhet i rëndësishem për Interin”

11:04 Sport

Igli Tare: Të ardhmen e Canës do ta mësojmë pas disa ditësh

11:01 Sport

Formula 1 në zi, ndërron jetë Jules Bianchi

10:58 Sport

Arsenali, 57 milion euro për Karim Benzema

15:26 Sport

Roben mirëpret Vidal: Ai mund të ndryshojë çdo ekip

15:22 Sport

Short me fat për Skënderbeun, Ludogorets ose FC Milsami

15:19 Sport

Arrestohet biznesmeni shqiptar, pronar i skuadrës ku luan vëllai i Balotellit

19:33 Sport

Skandali, ambasada britanike i mohon vizat Skënderbeut

19:32 Sport

TemA TV/ Bledi Shkëmbi: Duhet të jemi me këmbë në tokë, ende nuk ndihemi të kualifikuar

12:12 Sport