Xhafaj: Neni 13 për kufizimin e lirisë së medias do të ndryshojë, u keqkuptua

Neni 13 për kufizimin e lirisë së medias në ligjin për Strukturën e Posaçme Anti Korrupsion do të ndryshojë.

Fakti është bërë i ditur në një intervistë për Report Tv kreu i Komisionit të Posaçëm të Reformës në Drejtësi, Fatmir Xhafaj ku ka thënë se, paragrafi i nenit 13 të ligjit të SPAK nuk ka lidhje me lirinë e medias dhe raportin që duhet të ketë me hetimin dhe prokurorinë.

Ai shton se keqkuptimet janë një zhurmë e panevojshme, por thekson se ky paragraf i këtij neni duhet riformuluar.

“Neni 13 i ligjit per Strukturën e Posaçme Anti Korrupsion është një zhurmë e panevojshme. Në vetvete neni nuk ka te bëjë me lirinë e medias dhe raportin që duhet të ketë me hetimin dhe prokurorinë.

Ka të bëjë me pavarësinë e Prokurorisë së Posaçme që ka punë shumë delikate dhe me konflikt. Ndaj është e nevojshme që të mbrohen prokurorët nga çdo ndikim i paligjshëm që deformon hetimin.

Futja e medias nuk kishte qëllim censurën, por ndalimin e përdorimit të medias si instrument për presion. Në mënyrën si është shkruar, mund të keqkuptohet. Ndaj duhet ndryshuar e riformuluar” tha Xhafaj.

Bëhet fjalë për paragrafin e dytë të nenit 13 të projektligjit, që aktualisht parashikon që çdo lloj influence e papërshtatshme e ushtruar mbi punën e prokurorëve të posaçëm apo aktivitetin e tyre mbi çështje konkrete përmes autoriteteve publike, mediave apo çdo mënyre apo personi tjetër që ndikon mbi pavarësinë e prokurorëve gjatë ushtrimit të detyrave të tyre ndalohet dhe dënohet me ligj.

Izet Haxhia: Aleanca e çuditshme Berisha-Meta-Meidani dhe shërbëtorët e tipit Fatos Klosi, ka rrënjë të thella…

14:18 Politika

Neni 13 që mund të cënojë median do të ndryshojë

14:26 Politika

“Pse e sulmon Zheji, Ben Blushin? Sepse refuzoi të blihej nga Meta dhe Berisha, kundër Ramës”

13:47 Politika

Pronat, himarjotët mësyjnë zyrën e Nishanit. Presidenti e njeh si enklavë këtë pjesë shqiptare, jep garanci për zgjidhje

13:41 Politika

“Bomba me sahat” që do të lërë pas Obama

12:44 Politika

Edhe kryetarja e KQZ nxjerr në gënjeshtër Berishën

11:34 Politika

Rivalët politikë të 11 shtatorit në Dibër, Shehu e Rama, rezultojnë.... krushq!

10:22 Politika

Lefteri Luzi drejt mbarimit të mandatit, kërkon 3 vjet të tjera në KQZ?

10:03 Politika

Kushërira: Sokrati ishte njeri i mrekullueshëm, familja e Jonidës e donte shumë. Por Jonida e donte vetëm për lekët

09:48 Politika

Flet gruaja e 65-vjeçarit: E dija për marrëdhënien me Jonidën, ato që dinte i mori me vete

08:33 Politika