Te fundit
Shpërthen mjeti luksoz i “të fortit” në Vlorë, i vunë tritol natën
29 Janar 2017, 09:20Kronika
TEMA
Një automjet është djegur gjatë orëve të para të mëngjesit të sotëm në qytetin e Vlorës. Sipas Policisë, mësohet se mjeti është i tipit Audi Q7. Ai i përket personit të identifikuar si Flamur Peçaj, 46 vjeç, një emër i njohur për autoritetet. Lënda plasëse ishte vënë poshtë makinës së vlonjatit, e cila ka shpërthyer dhe ka marrë flakë. Sipas Policisë, ka vetëm dëme materiale. Policia po heton për personat që mund t’ia kenë vënë lëndën plasëse 46vjeçarit.
Ky i fundit njihet si person me precedentë penalë. Në vitin 2012, ai është arrestuar nga Policia pasi ka kërcënuar dy vëllezër me armë zjarri, shkruan “Panorama”. Këta të fundit janë hakmarrë, duke e rrahur me sende të forta dhe me qytë armësh. Peçaj përfundoi asokohe në spital për shkak të plagëve.
Njoftimi i policisë
Në orët e para të mëngjesit është djegur pjesërisht një automjet i parkuar. Ngjarja ka ndodhur pranë pallatit të pronarit të mjetit në lagjen “Pavarësia”, ku automjeti tip AudiQ7, në pronësi të shtetasit F.L (P), 46 vjeç, ka marrë flakë e për pasojë është dëmtuar pjesa e përparme e tij.
Nuk ka persona të lënduar. Dyshohet që mjeti mund të jetë djegur qëllimisht me një sasi të vogël të dyshuar lëndë plasëse, e cila është hedhur poshtë mjetit. Po punohet për hetime të mëtejshme në lidhje me sqarimin e rrethanave të ngjarjes dhe për identifikimin e autorit.
1 komente në “Shpërthen mjeti luksoz i “të fortit” në Vlorë, i vunë tritol natën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ne Itali mafiozet levizin me Fiat Punto. Ketu ne Shqiperi nuk e rruajne fare. Me Q7 tipi i papune.
Detaj i mjaftueshem per te kuptuar se ku jetojme dhe pse duhet ikur nga ky vend naten madje me not.