Te fundit
Kunati bën disa variacione për fjalën “tradhëtar”
11 Shtator 2017, 19:45Antena
TEMA
Meqë debati për votat pro Ruçit u bë shumë delikat, Kunati vendosi të bëjë një sqarim për të vendosur se kush do quhet tradhtar në PD, tani e tutje.
Për këtë, bëri disa konsulta me akademikë dhe filozofë, për të kuptuar në gjithë gjerësinë e saj fjalën tradhtar.
Ja disa sugjerime që i erdhën:
-Kuptimi më i rëndë i fjalës tradhtar është kur thua “tradhtar” i kombit. Kjo ka kuptimin kur ti shet sovranitetin e atdheut apo territorin e tij. Fjala vjen, “shitja e detit” Greqisë, ishte një tradhti ndaj kombit, I shkruan një akademik.
Kjo e tërboi Kunatin dhe e hoqi nga lista si përkufizim.
-Nuk të pyeti njeri për tradhti kombëtare, tha me vete.
Një tjetër i shkruan:
-I dashur Kunat. Në politikë, kuptimi I tradhtarit është ai që ndërron parti për interesa të tij. Fjala vjen, shembulli më kuptimplotë është tradhtari Kastriot Islami. Ai tradhtoi partinë e tij për një vend në parlament dhe u bë me PD. Kai mund të quhet pa frikë tradhtar politik.
Kunati e hoqi me shpejtësi dhe këtë.
Një tjetër filozof i njohur thotë se në politikë është tradhti dhe kompromisi me kundërshtarin, për interesa të tua. Fjala vjen, nëse ti i ke keq punët brenda partisë dhe je lider, ti bën kompromis me kundërshtarin kundër njerëzve të tu në parti, që të mos të të rrëzojnë. Si shembull është marrëveshja e 18 majit Rama-Basha.
Kunati e fshiu menjëherë dhe këtë përkufizim, i nervozuar.
Një tjetër rekomandim ishte për tradhtinë ndaj burrit dhe tradhtinë ndaj gruas:
-I dashur Kunat. Një gjë e rëndë është tradhtia ndaj burrit. Kjo, sidomos kur bëhet fjalë për burra autoritarë. Për shembull tradhtia e Lulit ndaj Doktorit kur bëri listën e deputetëve. Kjo është tradhti ndaj atij burrit.
Një tjetër shkruan se po kaq e rëndë është dhe tradhtia ndaj një gruaje. Si shembull jepte, fjala vjen, që Luli nuk i vuri Argitës burrin deputet.
Kunati u bë nervoz nga gjithë këto përkufizime dhe i hodhi në kosh.
-Edhe unë kam rrjedhur, tha me vete. Shkoj pyes këta. Këta janë të gjithë si Artan Fuga.
Dhe u ul e shkruajti vetë përkufizimin e tradhtisë politike, duke arritur në këtë përfundim:
“Tradhtia në politikë është kur bën marrëveshje me LSI. Ne ramë dakord të ishm të gjithë bashkë në séance, që mos të kuptoheshin votat për Gramozin. Ata ikën në minutat e fundit, na tradhtuan duke na lënë në baltë dhe zbuluar, pasi u muar vesh rezultati. Ja, kjo është tradhti”.
Me këtë përkufizim ra dakord dhe Salianji.
1 komente në “Kunati bën disa variacione për fjalën “tradhëtar””
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
hahahahahahaha, kjo e fundit ishte pikante por pa kripe ?