Te fundit
Jari shikon shenja të këqija për “Revolucionin e Tetorit”
1 Tetor 2018, 20:17Antena
TEMA
Sot Jari vendosi të analizonte protestën e grave aktiviste para Kryeministrisë, në mbrojtje të vajzës nga Fushë Kruja, që e ka dhunuar i dashuri.
Para se të fillonte protesta, Jari shkruajti:
“Xhisela nuk është jetime. Ajo ka nënë, PD-në.”
Më poshtë shkruajti:
“Të dashur lexues.
Jari ju sqaron!
Për të kuptuar këtë status, shikoni live protestën e grave para Kryeministrisë në mbrojtje të Xhesilës.
I pari u ngrit një aktivist i ri, në moshën e ish- të dashurit të Xhesilës.
Kur fliste e mbante gishtin përpjetë dhe kërcënonte.
Goja i nxirrte shkumë nga inati.
-Kjo është një qeveri e korruptuar, këta duhet të ngrihemi t’i shtypim, t’i heqim zvarrë, t’i zhdukim….
Urra bëritën gratë.
Pastaj e mori fjalën gruaja e dytë.
-Unë jam këtu për t’u thënë ju që kjo qeveri është qeveri e drogës, e dhunës, këta duhen shkulur nga rrënjët, se Edi Rama është një qen, Rama ik, Rama ik….
Pas kësaj, u krijua një trazirë, dhe tek mikrofoni u afrua një grua.
-Kam 25 vjet që nuk jam në Shqipëri, tha, dhe tani kam ardhur.
Greqia na ka mbajtur me bukë, shkollë e spitale, kurse ky Edi Rama na ka lënë rrugëve të Greqisë.
Ta shporrim këtë njeri se na ka bërë shumë dëme dhe nuk vijmë dot në Shqipëri…
Këtu Jari e harroi vajzën nga Fushë Kruja.
Asnjë nga folësit në fakt nuk e kishte përmendur, pasi po merreshin me Edi Ramën.
Këtu Jari ndërroi ekran.
Në një ekran tjetër pa zotëri Goxhajn.
Dhe ai po fliste për “Revolucionin e Tetorit”.
Jari filloi ta dëgjojë.
Kur ç’të dëgjonte.
Ai thoshte “Revolucioni i Tetorit” duhet bërë kundër Lulit, se është agjent i Sorosit.
-Duhet ta qërojmë nga PD, tha.
-Allah allah, tha me vete. Janë çmendur dynjaja.
Ne e hodhëm gjylen të plaste në shtator, ky do të na e hedhë gjylen tek këmbët në tetor.
Duket që është komunist, se kërkon që PD të bëjë “Revolucionin e Tetorit”.
E kaloi prapë pultin nga protesta e grave.
Kishte lezet.
Të krijohej ideja që ato mund të hanin të gjallë Edi Ramën, sikur të kalonte aty.
Tamam protestë kundër dhunës.
-Ky është revolucioni i vërtetë i tetorit, tha Jari.
Edhe Lenini kështu i ngriti masat kundër Carit.”
1 komente në “Jari shikon shenja të këqija për “Revolucionin e Tetorit””
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
me falni,por fjalen e fundit nuke kuptoj.eshte cari,pra perandori i rusise,apo kari,perandori i grave qe protestonin.gjinde pa shkolle,zoti bujar.