Te fundit
Taksa që po përçan Kosovën
29 Janar 2019, 09:09Rajoni
TEMA
Ajo që presidenti Hashim Thaçi ia ka përmendur një ditë më parë kryeministrit Ramush Haradinaj ka krijuar ambient rrëshqitës për koalicionin.
Haradinaj ka paralajmëruar të hënën se kjo javë mund të jetë e fundit për Qeverinë që e drejton, shkruan Koha Ditore.
E ka thënë këtë në një intervistë për një portal në Shqipëri, pak kohë pasi ka kushtëzuar pezullimin e përkohshëm të taksës 100 për qind ndaj importeve serbe, me organizimin e një konference ndërkombëtare në të cilën do të mbërrihej marrëveshja përfundimtare ndërmjet Kosovës dhe Serbisë.
Në këtë mësymje ai nuk e ka mbështetjen e presidentit Thaçi, ndërkaq kryeparlamentari Kadri Veseli, i cili drejton subjektin kryesor në koalicionin qeverisës, ka thënë se gjuha kushtëzuese nuk e ndihmon Kosovën.
Opozita e ka nuhatur se Thaçi e Veseli do ta lënë në “baltë” Haradinajn.
Javën e shkuar, kreu i Qeverisë është përballur me trysninë e shtuar të faktorit ndërkombëtar, e veçmas SHBA-së. U është kundërvënë, duke përmendur një kusht.
Ndërkaq, të hënën ambasadorëve të QUINT-it dhe përfaqësuesve të BE-së në Kosovë ua ka përcjellë edhe një shkresë, në të cilën e ka elaboruar më shumë kushtin.
1 komente në “Taksa që po përçan Kosovën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Venia e kesaj takse eshte vendimi me I drejte I marre ne kushtet qe Serbia injoron dhe nuk e merr ne konsiderate Kosoven.
Kjo do te inkurajoje hapjen e tregjeve te tjera dhe rimekembje te ekonomise te varur deri tani ne pjesen dermuese nga Serbia.
Kjo rritje e pavaresise ekonomike con ne nje pavaresi me te madhe politike dhe e detyron Serbine te te shohe si partner dhe jo si vasal qe te detyron te luash lojen e saj, sic ka ndodhur deri me tani.