Te fundit
Presidenti i Interit sulmon ashpër Ligën: Dal Pino, një palaço, për turp!
3 Mars 2020, 09:24Sport
TEMA
Marrëveshja e parë, e arritur midis “Lega Calcio” dhe FIGC për menaxhimin e ndeshjeve të shtyra për shkak të “Coronavirus”, nuk e kënaq Interin.
Presidenti zikaltër, Steven Zhang, shprehu gjithë pakënaqësinë e tij, duke goditur Paolo Dal Pino. Numri një i Interit përdori profilin e tij në Instagram për të shfryrë gjithë zemërimin e tij kundër presidentit të Ligës:
“Të luash me kalendarin dhe ta vendosësh gjithmonë shëndetin publik si një çështje dytësore. Ju jeni ndoshta kllouni (palaço) më i madh dhe më i zi, që kam parë. 24 orë, 48 orë, 7 ditë?
Dhe çfarë tjetër? Cili do të jetë hapi juaj tjetër? A po flisni për lojë të ndershme dhe sportivitet? Nëse nuk mbrojmë sportistët dhe trajnerët tanë, por kërkojmë prej tyre të luajnë 24/7, pa pushim…?
Po, po ju flas. Presidenti i Ligës sonë, Paolo dal Pino! #shameonyou. Eshtë koha që të zgjoheni dhe të merrni përgjegjësitë tuaja.
Kjo është ajo që bëjmë të gjithë në vitin 2020. Kushdo në botë.
Nuk ka rëndësi nëse je një tifoz i Interit, Juventusit apo nuk je fare tifoz. Ju lutemi kini kujdes!
Gjëja më e rëndësishme për ju, familjen tuaj dhe shoqërinë tonë”.
Një sulm shumë i ashpër nga presidenti Zhang, i cili me sa duket nuk aprovon vendimet e marra nga asambleja e Ligës, që u mblodh për situatën emergjente.
Edhe Beppe Marotta theksoi pozicionin e klubit, pasi dëgjoi hipotezën që Juventus-Inter të luhet të hënën, më 9 mars:
“Ne jemi kundër këtij vendimi. Është e njëjta gjë”.
Lini një Përgjigje
Më të lexuarat
24 oret e fundit
Javen e fundit
Blog Tema
