Te fundit
Shkuan të grabisnin hashashin në stan, plagosen babë e bir gjatë përleshjes në Vlorë
9 Tetor 2021, 11:58Kronika
TEMA
Dy persona babë e bir, Fatjon Dautaj dhe Vilson Dautaj kanë mbetur të plagosur në një fshat të Vlorës, pasi janë konfrontuar fizikisht me tre persona të paidentifikuar të cilët sipas burimeve kishin shkuar për të grabitur hashashin që 2 të dëmtuarit kishin në pronën e tyre.
Ndërkohë, gjatë kontrollit dhe krehjes së zonës policia ka gjetur dhe asgjësur 180 bië narkotike, që dyshohet se janë kultivuar nga dy të plagosurit F. D dhe V. D, të cilëve gjatë kontrollit të banesës ju janë gjetur dhe sekuestruar 2 armë zjarri (automatik dhe pushkë).
Njoftimi i policisë:
Më datë 09.10.2021, rreth orës 04:55, në spitalin e Vlorës, kanë shkuar të dëmtuar, dyshohet me mjete prerëse, shtetasit F. D., 31 vjeç, dhe V. D., 60 vjeç, (babë e bir), të dy banues në fshatin Mavrovë, Selenicë, të cilët ndodhet nën kujdesin e mjekëve, jashtë rrezikut për jetën.
Nga veprimet e para hetimore, rezulton se janë konfliktuar me tre persona ende të paidentifikuar, të cilët dyshohet se kishin shkuar për të vjedhur, dhe në afërsi të stanit janë diktuar nga babai dhe djali, të cilët kanë hasur në rezistencën e tyre, ku si pasojë dhe janë dëmtuar.
Nga shërbimet policore gjatë kontrollit dhe krehjes së zonës, janë konstuar të kultivuara 180 bimë narkotike, të cilat janë asgjesuar me anë të djegies. Dyshohet se bimët narkotike janë kultivuar nga shtetasit F. D dhe V. D, të cilëve gjatë kontrollit të banesës ju janë gjetur dhe sekuestruar 2 armë zjarri (automatik dhe pushkë).
Grupi hetimor nën drejtimin e Prokurorisë vijon punën për sqarimin e rrethanave të ngjarjes, sigurimin e çdo prove që do ti shërbejnë zbardhjes së ngjarjes.
Vijon krehja e zonës me qëllim kapjen e autorëve.
Lini një Përgjigje
Më të lexuarat
24 oret e fundit
Javen e fundit
Blog Tema
